जगातील सर्वात मोठ्या ई-कॉमर्स कंपनीने 12 वी पास तरुणांसाठी काढल्या आहेत 20 हजार नोकर्‍या, करा अशाप्रकारे अर्ज

करीअरनामा । ई-कॉमर्स दिग्गज अ‍ॅमेझॉन इंडिया आता सुमारे 20,000 लोकांना रोजगार देणार आहे. या नेमणुका तात्पुरत्या स्वरूपात केल्या जात आहेत. अ‍ॅमेझॉन इंडियाने आपल्या ग्राहक सेवा विभागासाठी या नोकऱ्या तयार केल्या आहेत ज्यायोगे भारत आणि जागतिक स्तरावरील ग्राहकांना विना व्यत्यय ऑनलाइन शॉपिंग मिळू शकेल. वास्तविक, कंपनीचा असा अंदाज आहे की येत्या 6 महिन्यांत कस्टमर्सची ट्रॅफिक वेगाने वाढेल, त्यासाठी आधीच तयारी करणे आवश्यक आहे.

या शहरांमध्ये असतील नोकर्‍या
अ‍ॅमेझॉन इंडियाने दिलेल्या माहितीनुसार, हैदराबाद, पुणे, कोयंबटूर, नोएडा, कोलकाता, जयपूर, चंदीगड, मंगलोर, इंदूर, भोपाळ आणि लखनऊ येथे या नोकर्‍या उपलब्ध आहेत. यापैकी बहुतेक पोस्ट्स अ‍ॅमेझॉनच्या ‘व्हर्च्युअल कस्टमर सर्व्हिस प्रोग्राम’ अंतर्गत असतील जे घरातून काम करण्याची संधी देतात.

या पदांवर नियुक्त केलेल्या व्यक्तीचे काम असोसिएट सपोर्ट कस्टमर सर्व्हिसचे असेल जे ई-मेल, चॅट, सोशल मीडिया आणि फोनद्वारे ग्राहकांना मदत करतात. या पदांसाठी किमान पात्रता बारावी पास आहे. तसेच अर्जदाराला इंग्रजी, हिंदी, तामिळ, तेलगू किंवा कन्नड भाषेचे ज्ञान असणे आवश्यक आहे.

पर्मनन्ट पोस्टिंगची संधी
अ‍ॅमेझॉन इंडियाने असेही म्हटले आहे की, ही तात्पुरती पोस्ट उमेदवारांच्या कामगिरीवर आणि व्यवसायाच्या गरजेनुसार पर्मनन्ट पोस्टिंगमध्ये रुपांतरित केली जाऊ शकते. या विषयी कोणताही निर्णय हा येत्या वर्षाच्या अखेरीस घेण्यात येईल.

हे पण वाचा -
1 of 170

अ‍ॅमेझॉन इंडियाचे संचालक (ग्राहक सेवा) अक्षय प्रभू म्हणाले, ग्राहक सेवेच्या क्षेत्रात आम्ही रोजगाराच्या नव्या गरजांची सतत तपासणी करत असतो. हा निर्णय ग्राहकांच्या वाढती मागणीच्या आधारे घेतला जात आहे. येत्या 6 महिन्यांत ग्राहकांची मागणी वाढणार असल्याचा आमचा अंदाज आहे कारण भारत आणि इतर देशांमध्ये सुट्टीचा हंगाम सुरू होणार आहे. सध्याच्या या पेचप्रसंगाच्या पार्श्वभूमीवर उमेदवारांना नवीन भरतीमध्ये जॉब सिक्युरिटी आणि उपजीविकेसाठी सुविधा देण्यात येणार असल्याचेही त्यांनी सांगितले.

5 वर्षात 10 लाख लोकांना नोकरी देण्याची योजना
हे जाणून घ्या की यापूर्वी, अ‍ॅमेझॉनने घोषित केले होते की सन 2025 पर्यंत ते तंत्रज्ञान, पायाभूत सुविधा आणि लॉजिस्टिक नेटवर्कमध्ये गुंतवणूक करेल, जेणेकरुन एकूण 10 लाख नवीन लोकांना रोजगार मिळतील. याअंतर्गत, लोकांना विविध उद्योगांच्या आधारे थेट आणि अप्रत्यक्षरित्या रोजगार मिळू शकतील, ज्यात इन्फॉर्मेशन टेक्नोलॉजी, स्किल डेवलपमेंट, कॉन्टेन्ट क्रिएशन, रिटेल, लॉजिस्टिक्स और मॅन्युफॅक्चरिंग यांचा समावेश असेल.

येथे करा अर्ज  –  https://amazon.force.com/

नोकरी आणि करिअर विषयक अपडेट्स थेट मोबाईलवर मिळवण्यासाठी आमच्या 7821800959 या क्रमांकावर Whatsapp करा आणि लिहा HelloNews.

अधिक माहितीसाठी पहा – www.careernama.com