UPSC Success Story : आईचं आजारपण..लग्नासाठी वाढता दबाव..तरीही खचली नाही..क्लास वन अधिकारी होवूनच दाखवलं

By

-

सप्टेंबर 15, 2023

करिअरनामा ऑनलाईन । प्रत्येक UPSC उमेदवाराचे (UPSC Success Story) मसुरी येथील LBSNAA येथे प्रशिक्षण घेण्याचे स्वप्न असते. 2022 च्या UPSC परीक्षेत यशस्वी झालेल्या उमेदवारांचे प्रशिक्षण सुरू झाले आणि सर्व प्रशिक्षणार्थी अधिकारी ९८व्या फाउंडेशन कोर्ससाठी LBSNAA ला पोहोचले आहेत. प्रियांका गोयल त्यापैकीच एक आहे. तिची यशोगाथा खूपच प्रेरणादायी आहे.

ज्यांना छोट्या-मोठ्या अपयशाची भीती वाटते त्यांच्यासाठी प्रियंका गोयलची कथा खूप प्रेरणा देणारी ठरू शकते. दिल्लीतील रहिवासी असलेल्या प्रियांकासाठी UPSC चा प्रवास खूप कठीण होता. मात्र या काळात ती हार न मानता आपल्या ध्येयावर ठाम राहिली. ती एक ध्येयवेडी मुलगी होती. तिच्यासाठी फक्त ध्येय गाठणं महत्वाचं होतं; मार्गात कितीही अडथळे आले तरी तिला त्याची पर्वा नव्हती.

ग्रॅज्युएशन नंतर सुरु केला UPSC चा अभ्यास (UPSC Success Story)
प्रियांका गोयल ही दिल्लीची रहिवासी आहे. पीतमपुरा येथील महाराजा अग्रसेन मॉडेल स्कूलमधून तिने बारावीपर्यंतचे शिक्षण घेतले आहे. यानंतर तिने केशव महाविद्यालय, दिल्ली विद्यापीठातून वाणिज्य शाखेची पदवी प्राप्त केली. पदवीचे शिक्षण पूर्ण केल्यानंतर तिने सरकारी नोकरीसाठी UPSC परीक्षेची तयारी सुरू केली.

6 वेळा दिली परीक्षा
प्रियांका गोयलने UPSC परीक्षा देण्यासाठी एकूण 6 वेळा परीक्षा दिली. जर ती UPSC CSE मध्ये नापास झाली असती तर तिचे सरकारी अधिकारी होण्याचे स्वप्न अधुरे राहिले असते. प्रियांका गोयलने परीक्षेसाठी पर्यायी विषय लोक प्रशासन ठेवला होता. यामध्ये तिला 292 गुण मिळाले होते. प्रियांकाने एका मुलाखतीत सांगितले की; तिचा यूपीएससी परीक्षेचा प्रवास खूप कठीण होता. ती कधी यशस्वी होईल की नाही हे देखील तिला माहित नव्हते.

अनेकवेळा आलं अपयश
UPSC परीक्षेच्या पहिल्याच प्रयत्नात प्रियंका गोयलला अभ्यासाचा आवाका लक्षात आला नव्हता. यामध्ये ती पूर्व परीक्षा पास करू शकली नव्हती. दुसऱ्या प्रयत्नात तिचे ०.७ गुणांनी कट (UPSC Success Story) ऑफ लिस्टमधील स्थान हुकले. ती तिसर्‍या प्रयत्नात यूपीएससी मुख्य परीक्षेत नापास झाली. चौथ्यावर्षी ती CSAT मध्ये मागे राहिली. पाचव्या वर्षी, कोविड काळात तिच्या आईचे 80% फुफ्फुस खराब झाले होते. यावेळीही ती प्रिलिम्स क्लिअर करू शकली नाही.

अखेर अधिकारी झालीच
प्रियांका पाचव्यावेळी परीक्षा देत होती तेव्हा ती एका संकटातून जात होती आणि अशा परिस्थितीत स्पर्धा परीक्षा पास करणे खरोखरच अवघड होते. घरातून तिच्यावर लग्नासाठी दबाव (UPSC Success Story) वाढू लागला होता. आता तिच्याकडे फक्त एकच संधी होती; त्यामुळे तिला आपली क्षमता सिद्ध करायची होती. शेवटी तिच्या मेहनतीला फळ मिळाले आणि 2022 च्या UPSC परीक्षेत तिने 965 गुण मिळवत संपूर्ण भारतात (AIR) 369 वा क्रमांक मिळवला आणि ती भारताची नागरी सेवक (Civil Servant) बनली आहे.
अधिक माहितीसाठी पहा – https://careernama.com

Government Megabharti : बाप्पा पावले!! दीड लाख तरुणांना मिळणार शासकीय नोकऱ्या; अजित पवारांची घोषणा

By

Kranti Chavan

-

सप्टेंबर 15, 2023

करिअरनामा ऑनलाईन । राज्यातील बेरोजगार तरुणांना दिलासा (Government Megabharti) देणारी बातमी हाती आली आहे. उपमुख्यमंत्री अजित पवार यांनी नुकतीच एक मोठी घोषणा केली आहे. राज्य शासनाच्या (State Government) विविध विभागात लवकरच दीड लाख पदांची भरती केली जाणार असल्याची माहिती पवार यांनी माध्यमांशी बोलताना दिली आहे. या भरतीमुळे राज्यातील बेरोजगारीचे प्रमाण कमी होण्याची शक्यता आहे.

तब्बल दीड लाख पदे भरणार
आज माध्यमांशी बोलताना अजित पवार (Ajit Pawar) यांनी सांगितले की, मी काल दिवसभर राज्यांतील नोकरभरती संदर्भातील बैठकीत होतो. या बैठकीत अनेक महत्त्वाचे निर्णय घेण्यात आले (Government Megabharti) आहेत. आता लवकरच राज्यातील आरोग्य, शिक्षण यासह अनेक विभागात 1.5 लाख नोकरभरती होणार आहे. सध्या कार्यरत असणाऱ्या पदांवरील कर्मचारी निवृत्त होण्यापूर्वी किमान तीन महिने आधी भरती प्रक्रिया सुरू करण्यात येईल. याबाबत अजित पवार यांनी संबंधित अधिकाऱ्यांना सूचना देखील दिल्या आहेत.
दरम्यान गुरूवारी मुख्यमंत्री एकनाथ शिंदे (Eknath Shinde) यांनी मराठा आरक्षणाच्या प्रश्नांवरून उपोषणाला बसलेल्या मनोज जरांगे पाटील यांचे भेट घेतली. या भेटीनंतर मनोज जरांगे यांनी आपले उपोषण मागे घेतले. परंतु या सगळ्या घडामोडी राज्यात सुरू असताना उपमुख्यमंत्री अजित पवार उपस्थित नव्हते. त्यामुळे त्यांना ट्रोल केले जात होते. त्यानंतर आज त्यांनी काल आपण नोकरभरती संदर्भात आयोजित करण्यात आलेल्या बैठकीत होतो; अशी माहिती दिली आहे.

राष्ट्रीय लघु उद्योगकडून पदभरती सुरु (Government Megabharti)
नुकतीच राष्ट्रीय लघु उद्योग महामंडळाने देखील असिस्टंट मॅनेजरच्या पदासाठी भरती प्रक्रिया सुरू केली आहे. हे मंडळ इच्छुक उमेदवारांकडून असिस्टंट मॅनेजरच्या पदासाठी अर्ज मागवून घेत आहे. या पदासाठी अर्ज भरण्याची शेवटची तारीख दि. 29 सप्टेंबर 2023 रोजी सायंकाळी 6 वाजेपर्यंत आहे. ज्या उमेदवारांना या पदभरतीची आणखीन माहिती जाणून घ्यायची आहे त्यांनी NSICच्या अधिकृत संकेतस्थळाला https://www.nsic.co.in/ भेट द्यावी.
अधिक माहितीसाठी पहा – https://careernama.com

Admission : 12 वी पुरवणी परीक्षा पास विद्यार्थ्यांना इंजिनियरिंगसह लॉसाठी घेता येणार प्रवेश; आज आहे शेवटची तारीख

By

Kranti Chavan

-

सप्टेंबर 15, 2023

करिअरनामा ऑनलाईन । बारावीच्या पुरवणी परीक्षेत (Admission) उत्तीर्ण झालेल्या विद्यार्थ्यांसाठी एक महत्वाची बातमी आहे. या विद्यार्थ्यांना शैक्षणिक वर्ष २०२३-२४ मध्ये प्रथम वर्ष अभियांत्रिकी (बी.ई/बी.टेक) आणि विधी (एलएलबी- पाच वर्ष) या पदवी अभ्यासक्रमाच्या संस्था स्तरीय प्रवेश फेरीत प्रवेशाची संधी उपलब्ध करून देण्यात आली आहे.
त्यासाठी संस्थास्तरीय प्रवेश प्रक्रियेला महाराष्ट्र राज्य सामाईक प्रवेश परीक्षा कक्षाने (CET Cell) मुदतवाढ दिली आहे. त्यामुळे आता पुरवणी परीक्षेत उत्तीर्ण झालेल्या विद्यार्थ्यांना प्रवेशासाठी शुक्रवार दि. 15 सप्टेंबर रात्री आठ वाजेपर्यंत मुदत दिली आहे.

महाराष्ट्र राज्य माध्यमिक व उच्च माध्यमिक शिक्षण मंडळाच्या वतीने फेब्रुवारी-मार्च २०२३ मध्ये घेतलेल्या बारावीच्या मुख्य परीक्षेत अनुत्तीर्ण झालेल्या विद्यार्थ्यांसाठी जुलै-ऑगस्टमध्ये पुरवणी परीक्षा घेण्यात आली. परंतु पुरवणी परीक्षेचा निकाल जाहीर होण्यापूर्वीच सीईटी सेलने व्यावसायिक पदवी अभ्यासक्रमांची प्रवेश प्रक्रिया पूर्ण केली.
तसेच, राज्यातील बहुतेक विद्यापीठांमधील पदवीसह तंत्रनिकेतन, तंत्र शिक्षण अभ्यासक्रमाची प्रवेश प्रक्रिया देखील बारावीच्या पुरवणी परीक्षेच्या निकालाआधीच संपविण्यात आली (Admission) होती. परिणामी पुरवणी परीक्षा दिलेल्या राज्यातील हजारो विद्यार्थ्यांचे शैक्षणिक भवितव्य अडचणीत आले होते. अखेर, याची दखल घेत राज्याचे उच्च व तंत्र शिक्षण मंत्री चंद्रकांत पाटील यांनी शिक्षण संचालक, शिक्षणाधिकारी यांची मुंबईत दि. २९ ऑगस्ट रोजी महत्त्वपूर्ण बैठक घेतली. बैठकीत पुरवणी परीक्षेत उत्तीर्ण विद्यार्थी पुढील अभ्यासक्रमापासून वंचित राहू नयेत, यासाठी आवश्यक त्या उपाययोजना करण्यात याव्यात, असा आदेश मंत्री पाटील यांनी शिक्षण संचालकांना दिला.

या आदेशानुसार बारावीच्या पुरवणी परीक्षेत उत्तीर्ण झालेल्या २२ हजार १४४ विद्यार्थ्यांना राज्यातील सर्व विद्यापीठे, त्यांच्याशी संलग्न महाविद्यालयात पदवी अभ्यासक्रमासह तंत्रशिक्षण संचालनालयाच्या अखत्यारीतील औषधनिर्माणशास्त्र यासह अनेक व्यावसायिक अभ्यासक्रमांच्या प्रवेशाची संधी उपलब्ध करून देण्यात आली. मात्र, त्यानंतरही सीईटीत पात्र ठरलेल्या आणि पुरवणी परीक्षेत उत्तीर्ण झालेल्या विद्यार्थ्यांना अभियांत्रिकी आणि विधी अभ्यासक्रमाच्या प्रवेशाची संधी मिळणार का? असा प्रश्न समोर उभा ठाकला होता. या संदर्भात राज्य सरकारकडून घेण्यात येणाऱ्या निर्णयाची प्रतीक्षा हजारो विद्यार्थ्यांना लागली होती. विद्यार्थ्यांची ही प्रतीक्षा अखेर संपली आहे.

बारावीच्या पुरवणी परीक्षेत उत्तीर्ण झालेल्या विद्यार्थ्यांना (Admission) शैक्षणिक वर्ष २०२३-२४ मध्ये प्रथम वर्ष अभियांत्रिकी आणि विधी (एलएलबी-पाच वर्ष) या पदवी अभ्यासक्रमांच्या संस्था स्तरीय प्रवेश फेरीत प्रवेशाची संधी मिळणार आहे. या अभ्यासक्रमाच्या संस्था स्तरीय प्रवेश प्रक्रियेस शुक्रवारपर्यंत (ता.१५ सप्टेंबर) मुदतवाढ दिली आहे. त्यामुळे पुरवणी परीक्षेत उत्तीर्ण विद्यार्थ्यांना शुक्रवारी रात्री आठ वाजेपर्यंत प्रवेश घेता येणार आहे, अशी माहिती सीईटी सेलचे आयुक्त महेंद्र वारभुवन यांनी दिली.
अधिक माहितीसाठी पहा – https://careernama.com

Shikshak Bharti 2023 : शिक्षक भरतीसाठी ‘स्व-प्रमाणपत्र’ पूर्ण करण्याची मुदत वाढली; ‘ही’ आहे शेवटची तारीख

By

Kranti Chavan

-

सप्टेंबर 15, 2023

करिअरनामा ऑनलाईन । राज्यातील काही भागात इंटरनेट (Shikshak Bharti 2023) सुविधेत येणाऱ्या अडचणींचा विचार करता शिक्षक भरतीच्या प्रतीक्षेत असणाऱ्या उमेदवारांना स्व-प्रमाणपत्र पूर्ण करण्यासाठी दि. २२ सप्टेंबरपर्यंत मुदतवाढ देण्यात आली आहे; अशी माहिती राज्याचे शिक्षण आयुक्त सूरज मांढरे यांनी दिली.

राज्यातील सर्व स्थानिक स्वराज्य संस्था आणि खासगी व्यवस्थापनाच्या शाळांमध्ये पवित्र पोर्टलद्वारे शिक्षण सेवक/ शिक्षक भरतीसाठी ‘शिक्षक अभियोग्यता व बुद्धीमत्ता चाचणी-२०२२’ ही परीक्षा फेब्रुवारी-मार्च २०२३ मध्ये घेण्यात आली होती. या चाचणीसाठी दोन लाख ३९ हजार ७३० उमेदवारांनी नोंदणी केली होती. त्यापैकी दोन लाख १६ हजार ४४३ उमेदवारांनी प्रत्यक्ष चाचणी दिली.

ही चाचणी दिलेल्या उमेदवारांना स्व-प्रमाणपत्र पूर्ण करण्यासाठी पवित्र पोर्टलवर सुविधा उपलब्ध करून देण्यात आली. यापूर्वी उमेदवारांना स्व-प्रमाणपत्र पूर्ण करण्यासाठी १५ सप्टेंबरपर्यंत मुदत दिली होती. आता या मुदतीत २२ सप्टेंबरपर्यंत वाढ करण्यात आली आहे.
शिक्षण विभागाने दिलेल्या मुदतीत स्व-प्रमाणपत्र पूर्ण (Shikshak Bharti 2023) करणार नाहीत, ते उमेदवार नव्याने होणाऱ्या शिक्षण सेवक/शिक्षक भरतीच्या पुढील प्रक्रियेसाठी पात्र ठरणार नाहीत, असे शिक्षण विभागाने स्पष्ट केले आहे. त्यामुळे ‘शिक्षण अभियोग्यता व बुद्धीमत्ता चाचणी-२०२२’ ही परीक्षा दिलेल्या उमेदवारांनी https://tait2022.mahateacherrecruitment.org.in या संकेतस्थळाला भेट देऊन २२ सप्टेंबरपर्यंत आपली कार्यवाही पूर्ण करावी, असे आवाहन शिक्षण विभागाने केले आहे.

शिक्षक भरती प्रक्रियेसाठी नोंदणी केलेल्या उमेदवारांचा तपशील – (Shikshak Bharti 2023)
– नोंदणी केलेले : १,२६,४५३ उमेदवार
– अर्ज अपूर्ण असलेले : १६,२३५ उमेदवार
– अर्ज पूर्ण केलेले पण प्रमाणित नसलेले : १५,२७० उमेदवार
– प्रमाणित केलेले : ९४,९४८ उमेदवार
– प्रमाणित न केलेले : ६८४ उमेदवार
अधिक माहितीसाठी पहा – https://careernama.com

Job Alert : 7 वी पास उमेदवारांसाठी अग्निशमन आणि आपत्कालीन सेवा संचालनालयात ‘या’ पदांवर भरती सुरु; त्वरा करा

By

Kranti Chavan

-

सप्टेंबर 14, 2023

करिअरनामा ऑनलाईन । अग्निशमन आणि आपत्कालीन (Job Alert) सेवा संचालनालय (DFES Goa) अंतर्गत स्वयंसेवक पदांच्या रिक्त जागा भरण्यासाठी पदांनुसार पात्र असणाऱ्या उमेदवारांकडून अर्ज मागविण्यात येत आहे. अर्ज ऑफलाईन पद्धतीने करायचा आहे. अर्ज करण्याची शेवटची तारीख 29 सप्टेंबर 2023 आहे.

संस्था – अग्निशमन आणि आपत्कालीन सेवा संचालनालय, गोवा
भरले जाणारे पद – स्वयंसेवक
नोकरी करण्याचे ठिकाण – गोवा
वय मर्यादा – 18 ते 40 वर्षे

अर्ज करण्याची पध्दत – ऑफलाईन
अर्ज पाठविण्याचा पत्ता – Government of Goa, Directorate of Fire and Emergency Services, ST. INEZ, Panaji, Goa
अर्ज करण्याची शेवटची तारीख – 29 सप्टेंबर 2023
आवश्यक शैक्षणिक पात्रता – (Job Alert)

पद	आवश्यक शैक्षणिक पात्रता
स्वयंसेवक	Atleast 7th Std. Passed. Knowledge of Konkani and Marathi.

असा करा अर्ज –
1. या भरतीसाठी उमेदवारांनी ऑफलाईन पद्धतीने अर्ज करायचा आहे.
2. अर्ज करण्यापूर्वी उमेदवारांनी नोटिफिकेशन काळजीपूर्वक वाचावे.
3. उमेदवारांनी दिलेल्या (Job Alert) संबंधित पत्त्यावर अर्ज करावे.
4. अर्ज करण्याची शेवटची तारीख 29 सप्टेंबर 2023 पर्यंत आहे.
5. मुदतीनंतर प्राप्त झालेल्या अर्जाचा विचार केला जाणार नाही.
काही महत्वाच्या लिंक्स –
अधिक माहितीसाठी जाहिरात पहा – PDF
अधिकृत वेबसाईट – https://dfes.goa.gov.in/
अधिक माहितीसाठी पहा – https://careernama.com

Railway Recruitment 2023 : 10वी उत्तीर्णांसाठी मेगाभरती!! पूर्व रेल्वेमध्ये होणार 3115 पदांवर भरती

By

Kranti Chavan

-

सप्टेंबर 14, 2023

करिअरनामा ऑनलाईन । पूर्व रेल्वे अंतर्गत प्रशिक्षणार्थी (Railway Recruitment 2023) पदांच्या एकूण 3115 रिक्त जागा भरण्यासाठी पदानुसार पात्र असणाऱ्या उमेदवारांकडून अर्ज मागविण्यात येत आहे. अर्ज ऑनलाईन पद्धतीने करायचा आहे. अर्ज करण्याची शेवटची तारीख 26 ऑक्टोबर 2023 आहे.

संस्था – पूर्व रेल्वे
भरले जाणारे पद – प्रशिक्षणार्थी
पद संख्या – 3115 पदे
अर्ज करण्याची पद्धत – ऑनलाईन
अर्ज प्रक्रिया सुरु होण्याची तारीख – 27 सप्टेंबर 2023
अर्ज करण्याची शेवटची तारीख – 26 ऑक्टोबर 2023
वय मर्यादा – 15 ते 24 वर्ष

भरतीचा तपशील – (Railway Recruitment 2023)

Trade Name	No of Posts
Fitter	1095
Welder	673
Mech (MV)	9
Mech (Dsl.)	158
Machinist	95
Carpenter	19
Painter	39
Lineman (General)	9
Wireman	87
Ref.& AC Mech	58
Electrician	587
Mechanic Machine Tool Maint.(MMTM)	9
Turner	76
Electrician Fitter	47
Elect. Mechanic	10
Mech Fitter	114
DSL/Fitter	4
Mason	7
Blacksmith	19

आवश्यक शैक्षणिक पात्रता –

पद	आवश्यक शैक्षणिक पात्रता
प्रशिक्षणार्थी	The candidate must have passed 10th class examination or its equivalent (under 10+2 examination system) with minimum 50% marks, in aggregate, from recognized Board and should also possess the National Trade Certificate in the notified trade issued by NCVT/ SCVT.

असा करा अर्ज –
1. या भरतीकरिता उमेदवारांनी ऑनलाईन पद्धतीने अर्ज करायचा आहे.
2. अर्ज करण्यापुर्वी उमेदवारांनी नोटिफिकेशन काळजीपूर्वक वाचावे.
3. उमेदवारांनी खालील (Railway Recruitment 2023) दिलेल्या लिंक वरून थेट अर्ज करावे.
4. एकापेक्षा जास्त ट्रेडमध्ये ITI पात्रता असलेले अर्जदार वेगवेगळ्या संबंधित ट्रेडसाठी स्वतंत्रपणे अर्ज करू शकतात.
तसेच, अर्ज करण्याची शेवटची तारीख 26 ऑक्टोबर 2023 आहे.
5. देय तारखेनंतर प्राप्त झालेल्या अर्जाची दखल घेतली जाणार नाही.
काही महत्वाच्या लिंक्स –
अधिक माहितीसाठी जाहिरात पहा – PDF
ऑनलाईन अर्ज करण्यासाठी येथे CLICK करा – APPLY
अधिकृत वेबसाईट – www.er.indianrailways.gov.in
अधिक माहितीसाठी पहा – https://careernama.com

UPSC Success Story : तिने 6 सरकारी नोकऱ्या सोडल्या, स्वप्न होतं IPS होण्याचं; पहिल्याच प्रयत्नात मिळवलं यश अन् बनली अधिकारी

By

Kranti Chavan

-

सप्टेंबर 14, 2023

करिअरनामा ऑनलाईन । UPSC परीक्षा ही देशातील सर्वात (UPSC Success Story) आव्हानात्मक परीक्षांपैकी एक आहे. ही परीक्षा उत्तीर्ण होण्यासाठी उमेदवार दररोज 14 ते 15 तास अभ्यास करतात. एवढी मेहनत करूनही अनेक उमेदवार पास होऊ शकत नाहीत. तर असेही अनेक उमेदवार आहेत जे UPSC परीक्षा पास होण्यासाठी चांगली नोकरीही सोडतात. अशीच एक तरुणी आहे तृप्ती भट्ट… जिने UPSC पूर्ण करण्यासाठी इतर चांगल्या नोकऱ्यांची ऑफर धुडकावली आहे.

अशी आहे IPS तृप्ती भट्टची गोष्ट (UPSC Success Story)
अल्मोडा येथील रहिवासी असलेल्या IPS तृप्ती भट्ट हीचा जन्म एका शिक्षक कुटुंबात झाला. चार भावंडांमध्ये ती सर्वात मोठी होती. बीरशेबा शाळेतून प्राथमिक शिक्षण घेतल्यानंतर त्यांनी केंद्रीय विद्यालयातून बारावीची परीक्षा दिली. त्यानंतर पंतनगर विद्यापीठात बी.टेक कोर्सला प्रवेश घेतला. मेकॅनिकल इंजिनीअरिंगचे शिक्षण पूर्ण केल्यानंतर तृप्तीने सहा सरकारी नोकऱ्यांच्या परीक्षाही पास केल्या आहेत. यामध्ये इस्रो सह अनेक सरकारी आणि खासगी संस्थांच्या परीक्षांचाही समावेश आहे.

एपीजे अब्दुल कलाम आहेत आदर्श
IPS तृप्ती भट्ट भारताचे माजी राष्ट्रपती अब्दुल कलाम यांच्यापासून खूप प्रेरित झाली आहे. इयत्ता नववीत शिकत असताना डॉ.अब्दुल कलाम यांच्याशी तिची भेट झाली होती. डॉ. कलाम यांनी (UPSC Success Story) तिला स्वतःच्या हाताने लिहिलेले पत्र दिले होते. हे पत्र वाचून तृप्ती खूप प्रेरित झाली. ही प्रेरणा घेवून तृप्तीने आपली स्वप्ने पूर्ण करण्यासाठी UPSCची तयारी सुरू केली.

पहिल्याच प्रयत्नात क्रॅक केली UPSC
IPS अधिकारी होण्याचे तृप्तीचे लहानपणीचे स्वप्न होते. हे स्वप्न पूर्ण (UPSC Success Story) करण्यासाठी तिने रात्रंदिवस मेहनत केली. या मेहनतीचे फळ म्हणून पहिल्याच प्रयत्नात तृप्ती १६५ वा क्रमांक मिळवून IPS अधिकारी बनली. IPS तृप्ती भट्टने राष्ट्रीय स्तरावरील मॅरेथॉन (16 किमी आणि 14 किमी) आणि बॅडमिंटनमध्ये सुवर्णपदक जिंकले आहे. याशिवाय तायक्वांदो आणि कराटेमध्येही तिने पहिला क्रमांक पटकावला आहे.
अधिक माहितीसाठी पहा – https://careernama.com

Educational Scholarship : गरीब विद्यार्थ्यांसाठी रिलायन्स फाऊंडेशन देणार शिष्यवृत्ती!! अर्ज प्रक्रिया झाली सुरु

By

Kranti Chavan

-

सप्टेंबर 14, 2023

करिअरनामा ऑनलाईन । जर तुम्ही पैशांअभावी तुमचा (Educational Scholarship) महाविद्यालयीन अभ्यास पूर्ण करू शकत नसाल किंवा फी भरण्यात अडचणी येत असतील तर तुमच्यासाठी ही महत्वाची बातमी आहे. देशभरातील उच्च शिक्षण संस्थांमध्ये (HEIs) आयोजित केल्या जाणार्‍या विविध अंडरग्रेजुएट (UG) आणि पदव्युत्तर (PG) स्तरावरील अभ्यासक्रमांच्या अभ्यासासाठी विद्यार्थ्यांना देशातील सर्वात मोठे द्योगिक समूह रिलायन्स फाऊंडेशन कडून आर्थिक सहाय्य दिलं जाणार आहे. रिलायन्स फाउंडेशनने 5000 UG शिष्यवृत्ती आणि 100 PG शिष्यवृत्ती देण्याची घोषणा केली आहे. रिलायन्स फाऊंडेशनने UG स्कॉलरशिपसाठी जास्तीत जास्त 2 लाख रुपये आणि PG स्कॉलरशिपसाठी जास्तीत जास्त 6 लाख रुपये निर्धारित केले आहेत.

स्कॉलरशिपसाठी इथे करा अर्ज –
रिलायन्स फाऊंडेशनने ऑफर केलेल्या UG आणि PG शिष्यवृत्तीसाठी (Educational Scholarship) अर्ज प्रक्रिया सुरू झाली आहे. जे विद्यार्थी त्यांच्या उच्च शिक्षणासाठी शिष्यवृत्ती शोधत आहेत त्यांनी रिलायन्स फाउंडेशनच्या scholarships.reliancefoundation.org या पोर्टलला भेट देवून तुमचा अर्ज करायचा आहे. शिष्यवृत्तीच्या दोन्ही श्रेणींसाठी ऑनलाइन अर्ज करण्याची अंतिम तारीख 15 ऑक्टोबर 2023 आहे.

शिष्यवृत्तीसाठी काय आहे पात्रता? (Educational Scholarship)
अर्ज करण्यापूर्वी विद्यार्थ्यांनी UG आणि PG शिष्यवृत्तीसाठी विहित केलेल्या पात्रता अटी जाणून घेतल्या पाहिजेत. रिलायन्स फाऊंडेशन शिष्यवृत्ती पोर्टलनुसार, देशातील कोणत्याही मान्यताप्राप्त उच्च शिक्षण संस्थेतील कोणत्याही अभ्यासक्रमात यावर्षी प्रथम वर्ष/सेमिस्टरचे विद्यार्थी या शिष्यवृत्तीसाठी अर्ज करू शकतात. तसेच पीजी अभ्यासक्रमांसाठी पीजी शिष्यवृत्ती दिली जाणार आहे. विद्यार्थी अधिकृत वेबसाइटवर दोन्ही शिष्यवृत्तींबद्दल अधिक माहिती पाहू शकतात.
अधिक माहितीसाठी पहा – https://careernama.com

MPSC News : MPSC ने दिला सुखद धक्का!! लिपिक-टंकलेखक पदाच्या निकालाबाबत घेतले ‘हे’ महत्वाचे निर्णय

By

Kranti Chavan

-

सप्टेंबर 14, 2023

करिअरनामा ऑनलाईन । महाराष्ट्र लोकसेवा आयोगाने लिपिक-टंकलेखक (MPSC News) पदाच्या भरतीसंदर्भात तीन महत्त्वपूर्ण निर्णय घोषित केले आहेत. ज्यामुळे विद्यार्थ्यांना मोठा दिलासा मिळाला असून, राज्यस्तरावर एकच कट ऑफ असणार आहे.
महाराष्ट्र अराजपत्रित गट-ब व गट-क संयुक्त (पूर्व) परीक्षा २०२३ मधील लिपिक-टंकलेखक (मराठी किंवा इंग्रजी) पदाचा निकाल जाहीर केला. जवळपास चार महिन्यानंतर निकाल जाहीर (MPSC News) झाल्याने विद्यार्थ्यांची प्रतीक्षा संपली आहे. निकाल जाहीर करताना आयोगाकडून राज्यस्तरावर एकच कटऑफ लावला आहे. तसेच बारा पटीत ८४ हजार ४०८ विद्यार्थी मुख्य परीक्षेसाठी पात्र ठरतील असे अपेक्षित होते. मात्र आयोगाने ९५ हजार ५४७ विद्यार्थ्यांना परीक्षेसाठी पात्र ठरविले आहे.

आयोगाने लावलेल्या निकालात पहिल्यांदाच कट ऑफ १९ गुणांपर्यंत खाली आणण्यात आला आहे. त्यामुळेच अधिक विद्यार्थी पात्र ठरले आहेत. यापूर्वीचा खुल्या गटासाठीचा कट ऑफ चाळीसच्या पुढे होता; असे विद्यार्थ्यांकडून सांगितले जात आहे. हे तीन निर्णय विद्यार्थ्यांना दिलासा देणारे ठरले आहेत.
गट ‘ब’ आणी ‘क’ संवर्गातील ८ हजार १६९ विविध (MPSC News) पदांसाठी पूर्व परीक्षा घेण्यात आली. त्यापैकी लिपिक-टंकलेखक संवर्गातील ७ हजार ३४ पदांसाठी परीक्षा झाली. लिपिक-टंकलेखक पदासाठी विभाग प्राधिकारीनिहाय कटऑफ लावण्यात येणार होता. एकूण २४ शासकीय विभागांची पदे असून २८० पोट विभाग किंवा प्राधिकरण आहेत. उमेदवार अर्ज करताना या २८० प्राधिकरणांपैकी किमान एक किंवा सर्व २८० प्राधिकरण विकल्प म्हणून निवड करू शकतात. त्यामुळे मुख्य परीक्षेसाठी लागणारा कट ऑफ कमालीचा वाढेल व हजारो विद्यार्थांच्या मुख्य परीक्षा देण्याच्या संधी नाहकपणे हिरावल्या जातील, अशी भीती होती.
अधिक माहितीसाठी पहा – https://careernama.com

Career In Paint Technology : रंगांच्या दुनियेत उजळून निघेल करिअर; ‘पेंट टेक्नॉलॉजी’मध्ये नोकरीच्या संधी; पगारही भरघोस

By

Kranti Chavan

-

सप्टेंबर 14, 2023

करिअरनामा ऑनलाईन । तुम्हाला अनोख्या क्षेत्रात करिअर (Career In Paint Technology) करायचे असेल तर आज आम्ही तुम्हाला एका नाविन्यपूर्ण क्षेत्राची ओळख करुन देणार आहोत. हे क्षेत्र आहे ‘पेंट टेक्नॉलॉजी’…. यामध्ये तुम्हाला रंगांचा शास्त्रशुद्ध अभ्यास कसा करायचा हे शिकता येतं. अनेक व्यवसायांमध्ये या तंत्राचा वापर दिवसेंदिवस वाढत आहे. रंग जरी आपल्याला आकर्षित करत असले तरी अनेक वेळा त्यांचा उपयोग एखाद्या गोष्टीचं संरक्षण करण्यासाठी देखील केला जातो. खासकरून लोखंडी वस्तू गंजू नयेत, वातावरणाचा परिणाम वस्तूवर होऊ नये व वस्तू बऱ्याच काळापर्यंत टिकून राहाव्यात यासाठी मोठ्या प्रमाणावर रंगांचा उपयोग होतो. मात्र या अभ्यासक्रमांविषयी फारच थोड्या लोकांना ज्ञान असते. या लेखात आपण ‘पेंट टेक्नॉलॉजी’मधील करिअर विषयी सविस्तरपणे जाणून घेणार आहोत…
पेंट टेक्नॉलॉजी म्हणजे नेमकं काय?
पेंट टेक्नॉलॉजी ही केमिकल टेक्नॉलॉजी शाखेची उप-शाखा आहे. केमिकल इंजिनीअरिंगशी संबंधित असणार्‍या या क्षेत्रामधील विविध अभ्यासक्रम उपलब्ध असून, भारतामधील काही मोजक्याच पण नामांकित संस्थांमध्ये हे अभ्यासक्रम उपलब्ध आहेत.

कोणकोणत्या गोष्टी शिकता येतात (Career In Paint Technology)
1. पेंट टेक्नॉलॉजीमध्ये पेंट तयार करण्यासाठी वापरल्या जाणार्‍या विविध घटकांचा आणि पद्धतींचा अभ्यास केला जातो.
2. पेंटमध्ये जाणार्‍या प्रत्येक घटकाच्या कार्यांचे रसायनशास्त्र आणि पेंट ज्या ठिकाणी किंवा ज्या पृष्ठभागावर लावला जाणार आहे त्यावर पेंटचा होणारा परिणाम समजून घेण्यासाठी Paint Technologist / Pain Expert आणि त्यानुसार बादल करण्याचे तंत्र या अभ्यासक्रमात शिकवले जाते.
3. विविध प्रकारच्या पेंट्सची निर्मिती, त्यांचा अभ्यास, साठवण्याची पद्धत याविषयी सखोल ज्ञान या अभ्यासक्रमांमधून दिले जाते. यामध्ये पुढील गोष्टी शिकता येतात.

Composition Characterization and Production of Lipids (लिपिडचे रचना वैशिष्ट्य आणि उत्पादन)
Oil Characterization (तेलाचे वैशिष्ट्य)
Expression and Extraction Techniques of Oil Bearing Materials (ऑइल बेअरिंग मटेरियलची एक्सप्रेशन आणि एक्सट्रॅक्शन टेक्निक्स)
Process Economics, Utilities and by- products of Oil Industry (प्रक्रिया अर्थशास्त्र, उपयुक्तता आणि तेल उद्योगाची उप-उत्पादने.)
Refining of oils (तेल शुद्धीकरण)
Hydrogenation and Modification of oils (हायड्रोजनेशन आणि तेलांचे बदल)

तुमच्याकडे ही शैक्षणिक पात्रता असायला हवी
1. पेंट टेक्नॉलॉजीमध्ये B.Tech अभ्यासक्रमांना प्रवेश घेण्यासाठी उमेदवाराने किमान १० + २ किंवा विज्ञान विषयासह समतुल्य शिक्षण पूर्ण केलेले असणे आवशयक आहे.
2. B.Tech नंतर तुम्ही M.Tech ची निवड करू शकता.
3. बहुतेक संस्थांद्वारे केमिकल इंजिनिअरिंग च्या अभ्यासक्रमांमध्ये या विषयाचे समावेश करून घेण्यात आला आहे.
ही कौशल्ये शिकता येतात
पेंट टेक्नॉलॉजी शिकणार्‍या विद्यार्थ्यांना ऑइल (oils), resins, पॉलिमर (polymers), pigments and dyes, organic solvents, paint additives, powder coatings, high solids coating, electro – coatings and other paint application techniques अशा विविध गोष्टी आणि तंत्राचे ज्ञान मिळते.

इथे आहे काम करण्याची संधी
1. पेंट उद्योग हे एक भरभराटीचे क्षेत्र आहे जे प्रामुख्याने ऑटोमोबाईल आणि रिअल इस्टेट उद्योगावर अवलंबून आहे.
2. त्यामुळे अशा उद्योजकीय डोमेनमध्ये पेंट टेक्नॉलॉजिस्ट आवश्यक आहे.
3. शिवाय, विविध पेंट मॅन्युफॅक्चरिंग कंपन्यांमध्ये (Career In Paint Technology) संशोधन आणि विकास, गुणवत्ता तपासणी, उत्पादन, विपणन आणि क्लायंट साइटवर काम करणारे तांत्रिक सहाय्यक/कार्यकारी म्हणून कामाची संधी मिळू शकते.

इतका मिळणार पगार
1. या क्षेत्रातील पगार तुमच्यातील कौशल्य आणि या क्षेत्रातील अनुभवावर अवलंबून असतो.
2. या क्षेत्रात कामाची सुरवात करणार्‍याला सव्वा ते २ लाख रुपये वार्षिक पगार मिळतो. जर एखाद्याला नामांकित ब्रँडमध्ये नोकरी मिळाली तर पगाराचा हा आकडा मोठा सू शकतो.
3. अनुभव मिळाल्यानंतर पगार चांगला मिळतो शिवाय,वरिष्ठ पातळीवर काम करण्याची संधीही मिळते.
येथे घेवू शकता शिक्षण (Career In Paint Technology)
1. बी.टेक. पेंट टेक्नॉलॉजी : इन्स्टिट्यूट ऑफ केमिकल टेक्नॉलॉजी (ICT)
2. डिप्लोमा इन पेंट अ‍ॅप्लिकेशन टेक्नॉलॉजी : गरवारे इन्स्टिट्यूट ऑफ करिअर एज्युकेशन अँड डेव्हलपमेंट
3. एम.टेक. पेंट टेक्नॉलॉजी : लक्ष्मीनारायण इन्स्टिट्यूट ऑफ टेक्नॉलॉजी, नागपूर
4. पेंट आणि वार्निश तंत्रज्ञान: औद्योगिक संशोधन प्रयोगशाळा, कोलकाता
5. बी.टेक. पृष्ठभाग कोटिंग तंत्रज्ञान- लक्ष्मीनारायण इन्स्टिट्यूट ऑफ टेक्नॉलॉजी, नागपूर
6. एम.टेक. सरफेस कोटिंग टेक्नॉलॉजी- इन्स्टिट्यूट ऑफ केमिकल टेक्नॉलॉजी (ICT), मुंबई (महाराष्ट्र)
अधिक माहितीसाठी पहा – https://careernama.com