करिअरनामा ऑनलाईन। प्रशासकीय सेवेत दाखल होणं हे देशातील अनेक (Success Story) युवक-युवतींचं स्वप्न असतं. सरकारी अधिकारी होऊन आई – वडिलांचं स्वप्न पूर्ण करण्यासाठी ते खूप कष्टही घेतात. यात अनेकांना अपयश पदरी पडतं तर काहींना यश मिळतं. याला हीजण अपवाद ठरतात. बीडमधील एका तरुणाने देखील मेहनतीच्या जोरावर प्रामाणिक कष्ट केले आणि घवघवीत यश संपादन केले आहे. बीडच्या शुभम प्रताप पाचंग्रीकर याने फक्त परीक्षाच पास केली नाही तर राज्यात कर निरीक्षक म्हणून पहिला क्रमांक पटकवला आहे. वाचूया त्याची प्रेरणादायी कहाणी…
शुभम ठरला राज्यात अव्वल
बीडच्या शुभम प्रताप पाचंग्रीकर याने नुकतेच महाराष्ट्र लोकसेवा आयोगामार्फत घेण्यात आलेल्या राज्य कर निरीक्षक पदाच्या परीक्षेत यश मिळवले आहे. शुभमने 2020 मध्ये ही परीक्षा दिली होती. त्याच्या मुख्य परीक्षेचा निकाल नुकताच जाहीर करण्यात आला आहे. एमपीएससी अंतर्गत घेण्यात आलेल्या STI परीक्षेत शुभमला 306 मार्क मिळाले आहेत. या गुणांसह शुभमने राज्यात प्रथम क्रमांक पटकावला आहे.
सलग चार वर्षे केली तयारी
शुभमने कोणत्याही परिस्थितीत आपण अधिकारी व्हायचेच अशी जिद्द मनाशी पक्की केली होती. त्याने 2018 पासून एमपीएसी परीक्षा देण्यास सुरुवात केली. त्यासाठी दिवसरात्र अभ्यासही केला. जिद्द आणि चिकाटी असेल तर कोणीही आपल्याला आपल्या ध्येयापासून रोखू शकत नाही, असे म्हणत त्याने (Success Story) आपला अभ्यास पुढे चालू ठेवला. आणि विक्रीकर निरीक्षक या पदासाठीची परीक्षा दिली. शुभमचे वडील प्रतापराव हे शासकीय निवृत्त कर्मचारी आहेत. शुभमने प्रशासकीय सेवेत जावं अशी त्याच्या वडलांची इच्छा होती. यासाठी त्यांनी वेळोवेळी शुभमला मार्गदर्शन केले.
शालेय वयापासून अभ्यासात हुशार
शुभमचे दहावीपर्यंतचे शिक्षण हे बीड येथील चंपावती माध्यमिक विद्यालयात झाले. दहावीत शुभमने 94 टक्के गुण मिळवले. सुरुवातीपासूनच शिक्षणात हुशार असलेल्या शुभमने शिक्षणाचा एक एक टप्पा चांगल्या गुणांनी उत्तीर्ण केला. शुभमने आपले पुढील उच्च शिक्षण पूर्ण करता यावे म्हणून पुणे शहरात जाणे पसंद केले. पुण्यात जाऊन त्याने इलेक्ट्रॉनिक अँड टेली कम्युनिकेशन इंजिनियरिंग मध्ये शिक्षण घेतले. हे शिक्षण पूर्ण झाल्यानंतर त्याने एका नामांकित कंपनीमध्ये चांगल्या पगाराची एक वर्ष नोकरी देखील केली.
पुढेही सुरु ठेवणार अभ्यास (Success Story)
शुभमला त्याने मिळवलेल्या यशाबद्दल विश्वासच (Success Story) बसत नव्हता. त्याला निकालाची माहिती मित्रांकडून मिळाली. निकाल तर लागला पण आपणाला राज्यात पहिला क्रमांक मिळाला यावर त्याचा विश्वासच बसला नाही. परंतु, गेल्या चार वर्षापासून प्रामाणिकपणे अभ्यास केला आणि शुभमला त्याच्या कष्टाचे फळ मिळाले. एवढयावरच न थांबता इथून पुढेही अभ्यास सुरूच राहणार असल्याचे शुभमने सांगितले.
नोकरी अपडेट्स आणि करिअरविषयक मोफत मार्गदर्शनासाठी आजच आमचा Whatsapp ग्रुप ला Join व्हा. आमच्या 9921959285 या क्रमांकावर Whatsapp करा आणि लिहा HelloJob
Click Here To Join Our Whatsapp Group
Click Here To Join Our Telegram Channel
अधिक माहितीसाठी पहा – https://careernama.com
