करिअरनामा ऑनलाईन । राज्यातील मुले आणि मुलींना संरक्षण दलात (SPI Admission 2024) अधिकारी म्हणून भरती व्हावी यासाठी त्यांना प्रोत्साहित करण्यासाठी तसेच उत्तम प्रशिक्षण देण्यासाठी राज्य शासनाने छत्रपती संभाजीनगर येथे मुलांसाठी सैनिकी सेवापूर्व शिक्षण संस्था आणि नाशिक येथे मुलींसाठी सैनिकी सेवापूर्व शिक्षण संस्था स्थापन केली आहे. सध्या या ठिकाणी २०२४ ची प्रवेश प्रक्रिया सुरु करण्यात आली आहे. लष्करभरती प्रशिक्षणासाठी इच्छुक तरुणांना या ठिकाणी प्रवेश घेण्याची मोठी संधी निर्माण झाली आहे. आज आपण येथील प्रवेश प्रक्रियेविषयी जाणून घेणार आहोत. पाहूया सविस्तर…
संभाजी नगर आणि नाशिक येथील सैनिकी सेवापूर्व शिक्षण संस्थेत प्रवेशाची अधिसूचना जाहीर झाली आहे. जून २०२४ पासून छत्रपती संभाजीनगर मुलांच्या सेवा संस्था प्रवेशाच्या ४८ व्या कोर्ससाठी आणि मुलींसाठी नाशिक येथे दुसऱ्या कोर्स प्रवेशासाठी ऑनलाइन अर्ज मागविण्यात येत आहेत.
प्रवेशासाठी पात्रता आणि अटी –
1. येथे प्रवेश घेण्यासाठी अविवाहित असणे ही महत्वाची अट आहे.
2. महाराष्ट्र तसेच कर्नाटक राज्यातील बिदर, बेळगावी आणि कारवार जिल्ह्यांतील मुले आणि मुली या ठिकाणी प्रवेश घेण्यासाठी पात्र आहेत.
3. ०२ जानेवारी २००७ आणि ०१ जानेवारी २०१० दरम्यान जन्म झालेल्या विद्यार्थ्यांना प्रवेश दिला जाणार आहे.
4. उमेदवाराने मार्च/एप्रिल/मे २०१४ मध्ये राज्य (SPI Admission 2024) मंडळाकडून १० वी किंवा समकक्ष परीक्षा पास केली असावी.
5. तसेच मार्च/एप्रिल/ मे २०२४ मध्ये होणाऱ्या माध्यमिक शालांत (दहावी) परीक्षेला बसणारा किंवा बसणारी व जून-२०२४ मध्ये इयत्ता ११ वी मध्ये प्रवेश घेण्यासाठी विद्यार्थी पात्र असावा.
अशी आहे आवश्यक शारीरिक पात्रता – (SPI Admission 2024)
विद्यार्थी सैन्यदलात अधिकारी होण्यासाठी दिलेल्या सर्व निकषांमध्ये पात्र असावा.
1. UPSC ने NDA आणि INA साठी दिलेल्या शारीरिक सर्व निकषांमध्ये उमेदवार पात्र असावा. हे निकष UPSC आणि संस्थेच्या संकेतस्थळावर उपलब्ध आहेत.
2. आवश्यक ऊंची – १५७ सें. मी.
3. आवश्यक वजन – ४३ कि.ग्रा.
4. छाती न फुगवता – ७४ सें.मी. फुगवून- ७९ सें.मी.
5. रातांधळा किंवा रंगांधळेपणा नसावा.
6. NDA/ INA प्रवेशासाठी UPSC च्या अधिसूचनेनुसार डोळ्यांची क्षमता असावी अशी अट आहे.
लेखी परीक्षा आणि मुलाखतीबाबत –
– पात्र उमेदवारांना 28 एप्रिल 2024 रोजी विविध केंद्रांवर लेखी परीक्षा द्यावी लागणार आहे.
– ही परीक्षा बहुपर्यायी प्रश्नांवर आधारित असून प्रश्नपत्रिका ही इंग्रजीत भाषेत असेल.
– ही परीक्षा ६०० गुणांची असून यात १५० प्रश्न असतील यातील गणितावर आधारित ७५ प्रश्न तर सामान्य ज्ञानावर आधारित ७५ प्रश्न असतील. (SPI Admission 2024)
– प्रत्येक बरोबर उत्तरासाठी ४ गुण आणि प्रत्येक चुकीच्या उत्तरासाठी वजा १ गुण दिला जाणार आहे.
– लेखी परीक्षा सामान्यत: राज्य बोर्ड आणि सीबीएसई इयत्ता ८ ते १० च्या अभ्यासक्रमावर आधारित असेल.
यामध्ये यशस्वी झालेल्या उमेदवारांना मुलाखतीसाठी बोलावले जाईल.
जाणून घ्या अर्ज प्रक्रियेविषयी –
1. मुलांसाठी ऑनलाइन अर्ज www.spiaurangabad.com या वेबसाईटवर उपलब्ध आहेत आणि मुलींसाठी ऑनलाइन अर्ज www.girlspinashik.com वर उपलब्ध आहेत.
2. परीक्षा शुल्क रु. ४५० रुपये राहणार असून ते परत मिळणार नाही. हे परीक्षा शुल्क क्रेडिट कार्ड, डेबिट कार्ड किंवा नेट बँकिंगद्वारे उमेदवारांना भरता येणार आहे.
3. परीक्षा शुल्क डीडी किंवा चलन माध्यमातून स्वीकारले जाणार नाही.
4. आवश्यक अटी व शर्तींनुसार अर्ज भरला नाही तर अर्ज नाकारला जाईल आणि भरलेली फी परत केली जाणार नाही यादी नोंद उमेदवारांनी घ्यावी.
5. या प्रवेशासाठी अर्ज करण्याची तारीख २९ फेब्रुवारी २०२४ आहे.
परीक्षेचे हॉल तिकीट –
परीक्षेचे हॉल तिकीट हे वर दिलेल्या वेबसाइटवरुन (SPI Admission 2024) दि. १० एप्रिल २०२४ नंतर डाउनलोड करता येणार आहे.
अधिक माहितीसाठी, उमेदवारांनी www.spiaurangabad या संकेतस्थळावर भेट द्यावी तर मुलींनी www.girlspinashik.com या वेबसाईटला भेट द्यावी. परीक्षेशी संबंधित सर्व सूचना या वेबसाइटवर वेळोवेळी प्रसिद्ध केल्या जातील.
अधिक माहितीसाठी पहा – https://careernama.com
