करिअरनामा ऑनलाईन ।सावित्रीबाई फुले पुणे विद्यापीठाने अंतिम वर्षाच्या ऑनलाइन फेरपरीक्षेचे विषयनिहाय वेळापत्रक प्रसिद्ध केले आहे. 5 ते 7 नोव्हेंबर दरम्यान ही परीक्षा होणार आहे. तांत्रिक कारणांमुळे नियमित परीक्षा देऊ न शकलेल्या विद्यार्थ्यांची फेरपरीक्षा 5 ते 7 नोव्हेंबर दरम्यान होणार आहे. ही परीक्षा ऑनलाइन पद्धतीने सकाळी 10 ते सायंकाळी 6 या वेळेत होईल.

वेळापत्रकानुसार 5 नोव्हेंबरला शिक्षणशास्त्र, औषधनिर्माणशास्त्र, अभियांत्रिकी, वास्तुकला, मानसनीती आणि समाजशास्त्र, शारीरिक शिक्षण या अभ्यासक्रमांची, 6 नोव्हेंबरला वाणिज्य, व्यवस्थापन व विधी अभ्यासक्रम, तर 7 नोव्हेंबरला कला आणि विज्ञान अभ्यासक्रमांची परीक्षा होईल, अशी माहिती विद्यापीठाच्या परीक्षा व मूल्यमापन मंडळाचे संचालक महेश काकडे यांनी दिली.

अंतिम वर्षातील नियमित, पुनर्रपरीक्षार्थी, बहि:स्थ अभ्यासक्रमातील द्वितीय व तृतीय वर्षातील विद्यार्थ्यांची परीक्षा 12  ऑक्‍टोबरपासून घेण्यात आली. तांत्रिक आणि अन्य कारणांसाठी परीक्षेदरम्यान अडचणींचा सामना करावा लागलेल्या विद्यार्थ्यांकडून गुगल फॉर्म भरून घेण्यात आला होता. यात नोंदणी केलेल्या विद्यार्थ्यांनाच ही फेरपरीक्षा देता येणार आहे, असेही विद्यापीठाने स्पष्ट केले आहे.

वेळापत्रक – click here

अधिकृत वेबसाईट – http://www.unipune.ac.in/

नोकरी आणि करिअर अपडेट्स थेट मोबाईलवर मिळविण्यासाठी आमच्या 7821800959 या क्रमांकावर Whatsapp करा आणि लिहा HelloNews.

अधिक माहितीसाठी पहा – https://careernama.com

करिअरनामा ऑनलाईन ।राज्यात कोरोनाचा प्रादुर्भाव पाहता शाळा अजूनही बंद आहेत. तरीसुद्धा शाळा बंद शिक्षण सुरु आहे , अंतर्गत विद्यार्थ्यांना रोज ऑनलाईन शिक्षणाचे धडे दिले जात असताना या आँनलाइन शिक्षणातून दिवाळीची सुट्टी मिळणार की नाही ? असा प्रश्न उपस्थित केला जात होता. त्यावर राज्यातील शिक्षकांना आणि विद्यार्थ्यांना दिवाळीची सुट्टी मिळणार असल्याची माहिती शालेय शिक्षणमंत्री प्रा. वर्षा गायकवाड यांनी प्रसार माध्यमांना दिली.

कोरोनाच्या पार्श्‍वभूमीवर संपूर्ण देशात आँनलाईन शिक्षण पध्दती अवलंब करण्यात येत आहे. शालेय विद्यार्थी, शिक्षक व पालकही अव्याहतपणे अध्ययन व अध्यापन प्रक्रियेत गुंतले आहेत व त्यांनी शाळा बंद असल्या तरी शिक्षण चालू ठेवले आहे.त्यामुळे दिवाळीच्या सण अगदी काही दिवसांवर आला असताना शाळेतील विद्यार्थी व शिक्षकांसाठी परंपरागत पध्दतीने मिळणारी सुट्टी या वर्षीही देण्यात येणार आहे व त्या संबंधितांचा निर्णय लवकरच घेण्यात येईल असे शिक्षण मंत्री महोदयांनी सांगितले.

अकरावी काँलेज प्रवेश संदर्भात माननीय मुख्यमंत्री उध्दव साहेब ठाकरे, महाअभिवक्ता व संबंधित यंत्रणेशी चर्चा करूनच लवकरात लवकर अकरावीच्या काँलेज प्रवेशाचा मार्ग मोकळा केला जाईल. काँलेज सुरू व्हावे अशी सर्वांचीच इच्छा आहे. न्यायालयाच्या प्रक्रियेमुळे विलंब होतो आहे परंतु आँनलाईन अकरावी वर्गाला विद्यार्थीयांनी उत्तम प्रतिसाद दिला आहे या बद्दल त्यांनी समाधान व्यक्त केले.शाळेतील विद्यार्थ्यांना दिवाळीच्या काळात कोणत्याही परीक्षांचे आयोजन करू नये अशा सुचनाही देण्यात आल्याचे त्यांनी सांगितले. विद्यार्थ्यांच्या सर्वागीण विकासासाठी आधुनिक तंत्रज्ञानाचा वापर करून विद्यार्थ्यांची शैक्षणिक रूची वाढावी व त्यांचे ज्ञानभांडार समृद्ध करण्यासाठी शिक्षण विभाग प्रयत्नशील राहील असा विश्वास शिक्षण मंत्री प्रा. वर्षा गायकवाड यांनी व्यक्त केला.

नोकरी आणि करिअर अपडेट्स थेट मोबाईलवर मिळविण्यासाठी आमच्या 7821800959 या क्रमांकावर Whatsapp करा आणि लिहा HelloNews.

अधिक माहितीसाठी पहा –https://careernama.com