करिअरनामा ऑनलाईन । वयाच्या पाचव्या वर्षापासूनच तिला (Career Success Story) कलेक्टर व्हायचं होतं. आपण IAS अधिकारी होवून करिअर करायचं असा प्रियंवदा ने निर्धारच केला होता. हे ध्येय पूर्ण करण्यासाठी तिने इन्व्हेस्टमेंट बँकरची मोठ्या पगाराची नोकरी सोडली. यासाठी 2020 मध्ये UPSC ची तयारी सुरू केली. या परिक्षेत संपूर्ण भारतातून 13 वी रॅंक मिळवत ती IAS अधिकारी बनली आहे. उच्च शिक्षणानंतर 6 वर्ष वित्तीय सेवा क्षेत्रातील नोकरी ते आयएएस अधिकारी होण्याचा तिचा प्रवास कसा होता ते पाहूया….

बी.टेक., एमबीए, बँकर ते आयएएस
प्रियंवदा अशोक म्हादळकर (IAS Priyamvada Mhaddalkar) ही महाराष्ट्रातील रत्नागिरीची रहिवासी आहे. 2021 मध्ये UPSC ने घेतलेल्या परिक्षेत ती 13 वा क्रमांक मिळवून टॉपर ठरली आहे. वयाच्या 31 व्या वर्षी ती IAS अधिकारी बनली. तिने परीक्षेच्या दुसऱ्या प्रयत्नात हे यश मिळवले. मुंबईतील वीरमाता जिजाबाई टेक्नॉलॉजिकल इन्स्टिट्यूटमधून इलेक्ट्रॉनिक्स इंजिनीअरिंगमध्ये बी.टेक. (B.Tech) केल्यानंतर तिने आयआयएम बंगळुरूमधून एमबीए (MBA) केले. एमबीएनंतर प्रियंवदाला एका इन्व्हेस्टमेंट बँकिंग फर्ममध्ये नोकरी मिळाली. तिने 6 वर्षे वित्तीय सेवा क्षेत्रातील विविध कंपन्यांमध्ये काम केले आहे.

वडिलांकडून मिळाली प्रेरणा (IAS Priyamvada Mhaddalkar)
प्रियंवदाचे वडील महाराष्ट्र सरकारमध्ये कर्मचारी होते. प्रियंवदाला नागरी सेवेत रुजू होण्याची प्रेरणा तिच्या वडिलांकडून मिळाली. पण त्यावेळची परिस्थिती आणि योगायोगामुळे इंजिनीअरिंग आणि एमबीए केल्यानंतर अनेक वर्षे कॉर्पोरेट क्षेत्रात तिने काम केले.

एवढी होती गुणांची कमाई (Career Success Story)
प्रियंवदाने यूपीएससी (UPSC) मेन्समध्ये समाजशास्त्र हा पर्यायी विषय म्हणून ठेवला होता. तिला यूपीएससीमध्ये 2025 पैकी 1024 गुण मिळाले. तिला UPSC मेन्समध्ये 826 आणि मुलाखतीत 275 पैकी 198 गुण मिळाले होते. यूपीएससीच्या तयारीसाठी सर्वात महत्त्वाची गोष्ट म्हणजे अभ्यासाचे योग्य वेळापत्रक बनवणे, असे तिचे मत आहे. या वेळापत्रकाचे ती नियमीत पालन करायची. नोट्स बनवण्यावरही तीने खूप जोर दिला. नोट्स स्वतःच्या शब्दात बनवायला हव्यात. त्यामुळे विषय समजून घेणे आणि दीर्घकाळ लक्षात ठेवणे सोपे होते, असे प्रियंवदाचे (IAS Priyamvada Mhaddalkar) मत आहे.
प्रियंवदा दररोज 9 ते 10 तास अभ्यास करायची. नागरी सेवेच्या परीक्षेत बातम्या आणि चालू घडामोडींवर लक्ष केंद्रित करण्यासाठी सातत्य आणि दिनचर्या आवश्यक असते. या सातत्यामुळे तिला अनेक प्रकारे मदत झाली आहे.

“प्रवास कठीण आहे, धीर धरावा लागेल”
स्पर्धा परीक्षा देणाऱ्या विद्यार्थ्यांना सल्ला देताना प्रियंवदा सांगते; “तुम्ही अभ्यास केलेला विषय लिहिण्याचा सराव केला की संकल्पना स्पष्ट होते. तसेच, जर नोट्स स्वतः बनवल्या असतील तर त्या नंतर उजळणी करताना खूप मदत करतात. मॉक टेस्ट दिल्याने उत्तरे चांगल्या प्रकारे तयार होण्यास मदत होते. यामुळे आत्मविश्वासही वाढतो. सिव्हिल सर्व्हिसेस परीक्षेची तयारी करणाऱ्यांनी स्वतःला प्रेरित आणि सकारात्मक ठेवले पाहिजे. हा प्रवास लांबचा आणि कठीण आहे, म्हणून धीर धरावा लागेल”,
अधिक माहितीसाठी पहा – https://careernama.com