करिअरनामा ऑनलाईन । बिहारमधील एका तरुणाने अपुऱ्या (UPSC Success Story) सोयी-सुविधा आणि कोणत्याही प्रशिक्षणाशिवाय अनेक स्पर्धा परीक्षा पास केल्या आहेत. घरची आर्थिक परिस्थिती बेताची असतानाही त्याने स्वप्न पूर्ण करण्यासाठी दुप्पट मेहनत करून सरकारी नोकरीची तयारी केली. या खडतर प्रवासात जेव्हा जेव्हा त्याचे मनोबल कमी झाले तेव्हा तेव्हा त्याचे मित्र आणि कुटुंबीयांनी त्याला पुन्हा प्रयत्न करण्यास प्रवृत्त केले. त्याची मेहनत आणि आजूबाजूच्या लोकांचा विश्वास त्याची प्रगती होण्यासाठी कामी आला. त्याने फक्त UPSC मधून सरकारी नोकरी मिळवण्याचे स्वप्न पूर्ण केले नाही तर इतरही अनेक स्पर्धा परीक्षा उत्तीर्ण केल्या आहेत. आज आपण जाणून घेणार आहोत IFS अधिकारी प्रिन्स कुमार सिंग (IFS Prince Kumar Singh) यांच्याबद्दल.
प्रिन्स कुमार सिंह हा बिहारचा रहिवासी आहे. तो (UPSC Success Story) लहानपणापासूनच अभ्यासात खूप हुशार होता. NIT मधून इंजिनीअरिंग करून काही महिने नोकरी केल्यानंतर त्याने सरकारी नोकरीची तयारी सुरू केली. केवळ आपल्या मेहनतीच्या जोरावर त्याने कोणत्याही प्रशिक्षणाशिवाय अनेक मोठ्या परीक्षा पास केल्या.
मध्यमवर्गीय कुटुंबातील प्रिन्स आणि अडचणींनी भरलेला प्रवास
प्रिन्स कुमार सिंह याचा जन्म बिहारमधील रोहतास येथे झाला. तो निम्न मध्यमवर्गीय कुटुंबात जन्माला आला आहे. त्याचे वडील आसाम रायफल्समध्ये हवालदार आहेत आणि आई गृहिणी आहे. सध्या प्रिन्स बिहारमध्ये BDO म्हणजेच ब्लॉक डेव्हलपमेंट ऑफिसर म्हणून प्रशिक्षण घेत आहेत. UPSC कडून ऑफर लेटर येताच, तो IFS अधिकारी म्हणून प्रशिक्षणासाठी मसुरी येथील LBSNAA येथे जाईल. सरकारी नोकरीच्या दिशेने त्यांचा प्रवास अडचणींनी भरलेला होता, पण त्याने हार मानली नाही आणि शेवटी आपले ध्येय गाठले.
उच्च शिक्षित आहे प्रिन्स (UPSC Success Story)
प्रिन्स कुमार सिंह याचे शालेय शिक्षण बिहारमधील कैमूर जिल्ह्यातील भभुआ येथे झाले. यानंतर त्याने एनआयटी जालंधर (पंजाब) येथून केमिकल इंजिनीअरिंगमध्ये बीटेक केले. तो 2016-2020 च्या बॅचचा विद्यार्थी होता. पदवी पूर्ण केल्यानंतर त्याने गुजरातमधील रसायन उद्योगात 8 महिने काम केले. त्यानंतर मार्च 2021 मध्ये नोकरीचा राजीनामा देऊन त्याने यूपीएससी परीक्षेची तयारी सुरू केली. पुढचे एक वर्ष त्याने अनेक परीक्षा दिल्या पण एकाही परीक्षेत तो यशस्वी होऊ शकला नाही.
अनेक वेगवेगळ्या स्पर्धा परीक्षा पास केल्या
प्रिन्स कुमार सिंगला 2 वर्षांच्या मेहनतीनंतर अनेक स्पर्धा परीक्षा उत्तीर्ण करण्यात यश मिळाले. त्याने SSC CGL 2022 मध्ये ऑल इंडिया रँक 177 मिळवला होता. यासह त्याने दिल्लीत असिस्टंट ऑडिट ऑफिसर म्हणून सरकारी नोकरी मिळवली. त्यानंतर त्याने 67 व्या बीपीएससी परीक्षेत 222 रँकसह बीडीओ पदावर पोस्टिंग मिळवली. त्याने दोनदा CAPF AC ची लेखी परीक्षा उत्तीर्ण केली होती परंतु अंतिम यादीत त्याचे नाव येण्यास चुकले होते. 2023 मध्ये त्याने UPSC CSE मुलाखतीचा टप्पा गाठला; त्याचवर्षी त्याने UPSC IFS परीक्षेत 15 वा क्रमांक मिळवला.
सलग तीन वेळा दिली UPSC
प्रिन्स कुमार सिंग याने 3 वेळा यूपीएससीची परीक्षा दिली होती. पहिल्या दोन प्रयत्नांत तो UPSC प्रिलिम्स परीक्षाही पास होऊ शकला नाही. कुटुंबाच्या कमकुवत आर्थिक परिस्थितीमुळे प्रिन्स कुमार सिंग UPSC अभ्यासासाठी कोचिंग क्लासला जावू शकला नाही. एका मुलाखतीत त्याने सांगितले की, “UPSC कोचिंग क्लासची फी माझ्या बजेटपेक्षा खूप जास्त होती. ही फी मला परवडणारी नव्हती. मुख्य परीक्षेदरम्यान मी कसोटी मालिकेतही सहभागी होऊ शकलो नाही. पण त्यामुळे मी डगमगलो नाही. टॉपर्स कॉपी आणि मागील वर्षाच्या प्रश्नपत्रिका यांच्या मदतीने मी परीक्षेची तयारी करत राहिलो.”
मित्र आणि कुटुंबीयांचा आधार महत्वाचा ठरला
प्रिन्स कुमार सिंग सीएपीएफ कमांडंटच्या शारीरिक चाचणीत गोळाफेक क्रीडा प्रकारात नापास झाला होता. हा दिवस तो त्याच्या आयुष्यातील सर्वात वाईट दिवस समजतो. त्यावेळी त्यांची आर्थिक परिस्थिती चांगली नसल्याने त्यांने स्वतःच या परीक्षेसाठी खूप मेहनत घेतली. दिल्लीला जाऊन यूपीएससी (UPSC Success Story) परीक्षेची तयारी करण्यासाठी त्याच्याकडे पैसे नव्हते. UPSC परीक्षा उत्तीर्ण होणे आपल्या आवाक्यात नाही हे त्याने मान्य केले होते आणि मग तो अध्यापनात करिअर करण्याचा विचार करू लागला. मात्र, त्यावेळी त्याचे मित्र आणि कुटुंबीयांनी त्याला खूप साथ दिली. त्याचा परिणाम असा झाला की त्याने 1 महिन्यानंतर पुन्हा तयारी सुरू केली.
आज आहे IFS अधिकारी
प्रिन्स कुमार सिंग यांनी UPSC नागरी सेवा परीक्षेत समाजशास्त्र हा पर्यायी विषय म्हणून घेतला होता. त्यानंतर भारतीय वनसेवा परीक्षेत त्यांनी रसायन अभियांत्रिकी आणि वनशास्त्र हे विषय ठेवले. केमिकल इंजिनीअरिंगमध्ये बी.टेक केल्यामुळे अभ्यासातील मूलभूत गोष्टी अगदी स्पष्ट होत्या आणि त्यामुळेच याची तयारी करताना त्याला फारसा त्रास झाला नाही. सलग 3 वेळा संघ लोकसेवा आयोगाची परीक्षा दिल्यानंतर प्रिन्सने ही परीक्षा पास केली आणि अखेर तो IFS अधिकारी बनला आहे.
अधिक माहितीसाठी पहा – https://careernama.com
