करिअरनामा ऑनलाईन । जे उमेदवार सरकारी नोकरी (Government Job) मिळवू इच्छितात त्यांच्यासाठी ही महत्वाची अपडेट आहे. उमेदवार येथे दिलेल्या या आठवड्यातील सर्वोच्च सरकारी नोकऱ्यांसाठी अर्ज करू शकतात. परीक्षेची तयारी करून सरकारी नोकरी मिळवण्याचे त्यांचे स्वप्न पूर्ण होवू शकते. शासनाच्या विविध विभागात भरती निघाली आहे. त्याविषयी आम्ही येथे माहिती देत आहोत. इच्छुक उमेदवारांनी आपल्या पात्रतेनुसार वेळेत अर्ज करायचा आहे.

1. IAF अग्निवीर वायु भर्ती 2024
भारतीय हवाई दल (Indian Air Force) अग्निपथ योजनेअंतर्गत अग्निवीर हवाई निवड चाचणीसाठी ३,५०० अविवाहित भारतीय पुरुष आणि महिलांची भरती करत आहे. यासाठी 17.5 ते 21 वर्षे वयोगटातील इच्छुक उमेदवारांनी 6 फेब्रुवारीपर्यंत अर्ज करायचा आहे. यासाठी उमेदवारांना तीन-स्तरीय निवड प्रक्रियेतून जावे लागेल, ज्यामध्ये संगणक आधारित चाचणी (CBT), शारीरिक तंदुरुस्ती चाचणी (PFT) आणि तिसरा टप्पा, ज्यामध्ये दोन कंडिशनिंग चाचण्या आणि वैद्यकीय चाचणी यांचा समावेश असेल.

2. यूपी पोलिस अंतर्गत उपनिरीक्षक पदांसाठी भरती
उत्तर प्रदेश पोलीस भर्ती आणि पदोन्नती मंडळ (UPPRPB) सध्या उपनिरीक्षक (SI) पदासाठी अर्ज मागवत आहे. उमेदवार 28 जानेवारी 2024 पर्यंत uppbpb.gov.in या अधिकृत वेबसाइटद्वारे अर्ज करू शकतात. या भरती मोहिमेद्वारे, UPPRPB विभागातील एकूण 921 उपनिरीक्षक आणि सहायक उपनिरीक्षक पदे भरली जाणार आहेत. निवडीसाठी उमेदवारांची 400 गुणांची ऑनलाइन लेखी परीक्षा घेतली जाईल.

3. SSB ओडिशा शिक्षक भरती (Government Job)
स्टेट सिलेक्शन बोर्ड (SSB), ओडिशा, विभागातील TGT-Arts, TGT-CBZ, TGT-PCM, संस्कृत, हिंदी, उर्दू शिक्षक अशा विविध पदाच्या 2,064 शिक्षक पदांसाठी ऑनलाइन अर्ज मागवण्यात आले आहेत. पीईटी नोंदणी विंडो ७ फेब्रुवारीपर्यंत उपलब्ध असेल. या भरतीसाठी अर्ज करणाऱ्या उमेदवाराचे वय 1 जानेवारी 2024 रोजी 21 ते 38 वर्षाच्या दरम्यान असावे. SC, ST, SEBC, महिला आणि माजी सैनिक यांसारख्या विशिष्ट गटांसाठी 5 वर्षांपर्यंतच्या उच्च वयोमर्यादेत सूट देण्यात आली आहे.

4. GSSSB लिपिक भरती-2024
गुजरात सबऑर्डिनेट सर्व्हिसेस सिलेक्शन बोर्ड (GSSSB) ने कनिष्ठ लिपिक, जिल्हाधिकारी कार्यालय लिपिक, वरिष्ठ लिपिक, मुख्य लिपिक, कार्यालय सहाय्यक, मुद्रांक निरीक्षक आणि विभागातील इतर पदांवर भरती जाहीर केली आहे.पत्रतेचे निकष पूर्ण करणारे उमेदवार gsssb.gujarat.gov.in द्वारे ३१ जानेवारी २०२४ पर्यंत भरतीसाठी अर्ज करू शकतात. नोंदणी प्रक्रिया पूर्ण करण्यासाठी, सामान्य श्रेणीतील उमेदवारांना 500 रुपये, तर SC, ST, PWD श्रेणी आणि महिला उमेदवारांना 400 रुपये भरावे लागतील.

5. BPSC अंतर्गत 1,051 ब्लॉक कृषी अधिकारी पदांवर भरती
बिहार लोकसेवा आयोग (BPSC) ब्लॉक कृषी अधिकारी (Government Job) आणि इतर पदांसाठी नोकरीच्या संधी उपलब्ध करुन दिल्या आहेत. ज्यामध्ये 15 जानेवारी ते 28 जानेवारी 2024 पर्यंत अर्ज स्वीकारले जातील. उमेदवार bpsc.bih.nic.in द्वारे भरतीसाठी अर्ज करु शकतात. यामाध्यमातून विविध पदांच्या 1,051 पदे भरण्याचे आयोगाचे उद्दिष्ट आहे. 400 गुणांच्या लेखी परीक्षेच्या आधारे उमेदवारांची निवड केली जाईल आणि त्यानंतर मुलाखत घेतली जाईल.
अधिक माहितीसाठी पहा – https://careernama.com