करिअरनामा ऑनलाईन । केंद्रीय माध्यमिक शिक्षण (CBSE Board Exam Time Table 2024) मंडळ लवकरच 10वी आणि 12वीच्या परीक्षांचे वेळापत्रक जाहीर करणार आहे. जे विद्यार्थी CBSE बोर्डाच्या परीक्षेला बसले आहेत ते बोर्डाच्या अधिकृत वेबसाईटवर वेळापत्रक पाहू शकतात. वेळापत्रक पाहण्यासाठी तसेच, वेळोवेळी परीक्षेच्या संदर्भात महत्वाच्या अपडेट्स मिळविण्यासाठी विद्यार्थ्यांनी बोर्डाची cbse.gov.in. ही वेबसाईट तपासणं गरजेचं आहे. परीक्षेसंदर्भात इतर कोणत्याही माध्यमातून मिळालेल्या माहितीवर विश्वास ठेवू नका; असं आवाहन CBSE बोर्डाने केलं आहे.
CBSE बोर्डाच्या 10वी आणि 12वी परीक्षेच्या तारखा डिसेंबरच्या पहिल्या आठवड्यात जाहीर केल्या जाऊ शकतात; असा अंदाज आहे. परीक्षेची तारीख आता केव्हाही जाहीर होऊ शकते. त्यामुळे विद्यार्थ्यांनी सतत संकेतस्थळावर लक्ष ठेवणं गरजेचं आहे.

जानेवारी महिन्यापासून प्रात्यक्षिक परीक्षा (Practical Exams) घेण्यात येणार असून लेखी परीक्षांना (Theory Exam) फेब्रुवारीपासून सुरुवात होणार असल्याची शक्यता आहे. परीक्षेची संभाव्य तारीख 15 फेब्रुवारी ते 10 एप्रिल दरम्यान असल्याचा अंदाज आहे. मात्र, यामध्ये बदल होऊ शकतात. त्यामुळे अधिकृत माहिती येण्यापूर्वी निश्चितपणे काहीही सांगता येणार नाही.

वेळापत्रक जाहीर झाल्यानंतर असं करा डाउनलोड
1. CBSE बोर्डाच्या 10वी आणि 12वीच्या परीक्षेच्या तारखा जाहीर झाल्यानंतर, सर्वात आधी वेळापत्रक डाऊनलोड करण्यासाठी cbse.gov.in या अधिकृत वेबसाईटवर जा.
2. येथे लेटेस्ट नावाच्या विभागात जा आणि 10 वी किंवा 12 वी च्या वेळापत्रकावर क्लिक करा.
3. आता डेटाशीट उघडेल. (CBSE Board Exam Time Table 2024)
4. येथून परीक्षा कोणत्या दिवशी होणार आहे हे विद्यार्थ्यांनी तपासावे.
5. तुम्ही हे वेळापत्रक डाऊनलोड करुन त्याची प्रिंट देखील घेऊ शकता. अशा प्रकारे तुम्ही परीक्षेचा निकाल
अधिक माहितीसाठी पहा – https://careernama.com