करिअरनामा ऑनलाईन । बारावी पास झाल्यानंतर विद्यार्थ्यांसमोर (Career After 12th) मोठा प्रश्न असतो की पुढे काय करायचे? आता लाखो मुलांनी वैद्यकीय अभ्यासासाठी NEET UG आणि Engineering JEE परीक्षा देखील दिल्या आहेत. त्यांना त्यांच्या करिअरमध्ये पुढे काय करायचे आहे याबद्दल त्यांचे मत स्पष्ट आहे. त्याचवेळी लाखो विद्यार्थी CUET UG स्कोअरद्वारे विविध महाविद्यालयांमध्ये प्रवेशासाठी अर्ज करतील. पण दुसरीकडे असे बरेच विद्यार्थी आहेत जे ऑफबीट करिअर पर्याय निवडतील. आशा विद्यार्थ्यांसाठी ही बातमी महत्वाची आहे. 12वी नंतर पदवी स्तरावर तुम्ही कोणत्या अभ्यासक्रमांना प्रवेश घेऊ शकता ते पर्याय आज आम्ही तुमच्यासमोर मांडत आहोत. यामध्ये तुमची निवड महत्वाची ठरेल.
12 वी नंतर शिकता येणारे प्रवाहाबाहेरील 5 सर्वोत्तम अभ्यासक्रम
बारावीनंतर, विद्यार्थी एमबीबीएस, बी. टेक, बीबीए, बीए, बीकॉम, बीएससी सारखे पारंपरिक पदवी अभ्यासक्रम निवडण्याऐवजी ट्रेंडिंग कोर्स करू शकतात. आजकाल आर्टिफिशियल इंटेलिजन्स आणि मशीन लर्निंगला मागणी वाढत आहे. पुढे जाणून घ्या अशा 5 अभ्यासक्रमांची नावे ज्यामध्ये कोणत्याही प्रवाहातील तरुण प्रवेश घेऊ शकतात.
1. आर्किटेक्चर
जर तुम्ही विज्ञान शाखेतून असाल आणि तुम्हाला अभियांत्रिकी करायचे नसेल तर तुम्ही बॅचलर ऑफ आर्किटेक्चर कोर्स करू शकता. याद्वारे तुम्हाला जगभरातील सुंदर आणि ऐतिहासिक वास्तू रचना आणि त्यांच्याशी संबंधित तंत्रे शिकायला मिळतील. तुम्ही क्रिएटिव्ह असाल तर तुम्ही स्वतःला इंटिरियर डायरेक्टर म्हणून प्रस्थापित करू शकता.
2. चित्रपट आणि दूरदर्शन डिप्लोमा (Career After 12th)
जर तुम्ही चित्रपट आणि दूरचित्रवाणी क्षेत्रात प्रवेश करण्याचा विचार करत असाल, तर तुम्ही त्याच्याशी संबंधित कोणत्याही डिप्लोमा, पदवी किंवा प्रमाणपत्र अभ्यासक्रमासाठी प्रवेश घेऊ शकता. यानंतर तुम्ही फिल्म, टेलिव्हिजन आणि मीडिया इंडस्ट्रीमध्ये करिअर करू शकता. या क्षेत्रात तुम्हाला मोठा पैसा मिळवण्याच्या अनेक संधी मिळतात. तुम्ही उत्कृष्ट काम केल्यास तुम्हाला काम, पैसा आणि ओळख मिळू शकते. यामध्ये तुम्हाला चित्रपट दिग्दर्शन, सिनेमॅटोग्राफी, एडिटिंग, अभिनय, स्क्रिप्ट रायटिंग, दृकश्राव्य निर्मिती याविषयी शिकवले जाते.
3. डिजिटल मार्केटिंग
सध्या जॉब मार्केटमध्ये नोकऱ्यांची कमतरता असली तरी डिजिटल (Career After 12th) मार्केटिंग क्षेत्रात प्रचंड क्षमता आहे. जर तुम्हाला करिअर किंवा व्यवसायात प्रगती करायची असेल तर 12वी नंतर तुम्ही डिजिटल मार्केटिंगशी संबंधित कोणताही कोर्स करू शकता. सर्च इंजिन मार्केटिंग, डिजिटल ॲड स्पेशलिस्ट, डिजिटल मार्केटिंग एक्झिक्युटिव्ह, वेब ॲनालिस्ट इत्यादींमध्ये तुम्हाला सहज नोकरी मिळू शकते.
4. प्रवास, पर्यटन आणि हॉटेल व्यवस्थापन
प्रवास, पर्यटन, हॉटेल व्यवस्थापन आणि हॉस्पिटेलिटी हे क्षेत्र नेहमीच (Career After 12th) बहरलेले असतात. दिवसेंदिवस या क्षेत्रात सातत्याने वाढ होत आहे. या उद्योगाशी संबंधित आधुनिक सेवा व्यवस्थापन कौशल्ये शिकून तुम्ही हॉटेल, रिसॉर्ट किंवा रेस्टॉरंटमध्ये व्यवस्थापक किंवा नियोजक म्हणून तुमचे करिअर घडवू शकता.
5. इंफ्लुएंसर
हे युग सोशल मीडियाचे युग आहे. या क्षेत्राने प्रभावशाली लोकांना प्रगतीचा एक नवीन मार्ग दाखवला आहे, जे वेगवेगळ्या ब्रँडसाठी व्हिडिओ सामग्री तयार करून चांगले पैसे (Career After 12th) कमवतात. तुम्ही सोशल मीडिया मॅनेजमेंटमध्येही करिअर करू शकता. आजकाल अनेक कंपन्या सोशल मीडिया मॅनेजरच्या शोधात आहेत.
अधिक माहितीसाठी पहा – https://careernama.com
