करिअरनामा ऑनलाईन । यश जेवढं मोठं संघर्षही तितकाच मोठा (Business Success Story) असतो. मोठं यश मिळवण्यासाठी मोठाच संघर्ष करावा लागतो. अंकुश सचदेव या तरुणाची गोष्ट अशीच आहे. अंकुशने आयआयटीमधून पदवी घेतल्यानंतर काम करायला सुरुवात केली आणि मायक्रोसॉफ्टसारख्या मोठ्या कंपनीत तो इंटर्नशीप करू लागला. नोकरीत मन रमत नसल्यामुळे त्यानं स्वतःचा व्यवसाय सुरू करण्याचं ठरवलं आणि त्याचा प्रवास सुरु झाला…

अंकुशने एकापाठोपाठ एक 17 कल्पनांवर काम केले. पण नशिबाने (Business Success Story) साथ दिली नाही आणि सुरवातीच्या 17 स्टार्टअपवर तो अपयशी ठरला. अखेर अंकुशला 18 व्या वेळेस यश मिळालं. आज अंकुश 40 हजार कोटी रुपयांच्या कंपनीचा मालक आहे. त्याने ही किमया कशी केली याविषयी आपण पाहणार आहोत….

दोन मित्रांसह केला पराक्रम (Business Success Story)
अंकुश सचदेवाने (Ankush Sachdeva) आपले काम सुरू करण्यासाठी वेगवेगळी स्टार्टअप सुरु केले. पण त्यामध्ये 17 वेळा अपयश आलं. पण अंकुशने कधी हार मानली नाही. अखेर 18व्या वेळेस त्याने आपल्या दोन मित्रांसह असा पराक्रम केला की आज हजारो कोटींची कंपनी स्थापन झाली. या कंपनीचा विस्तार व्यवसाय अमेरिका आणि युरोपसह जगातील अनेक देशांमध्ये पसरला आहे आणि त्यांचे लाखो वापरकर्ते आहेत.

अंकुश आणि त्याच्या मित्रांनी नेमकं काय केलं
अंकुशने नोकरी सोडून व्यवसायाकडे वळायचे ठरवले होते. यासाठी त्याने कंबर कसली. वेगवेगळे 17 स्टार्टअपवर त्याने काम केले. या श्रव प्रयत्नात तो अपयशी (Business Success Story) ठरला. पण अंकुशच्या अथक प्रयत्नांना नशिबाने आणि त्याच्या मित्रांनी साथ दिली. फरीद अहसान आणि भानू सिंग हे दोघे अंकुशचे IIT मधील मित्र. या मित्रांनी मिळून शेअरचॅट (Sharechat) अॅप तयार केले. या तिघांनी फेसबुक आणि व्हॉट्सअॅपवर काही युजर्स शोधले ज्यांना काहीतरी नवीन करून बघायचे होते. यानंतर, जानेवारी 2015 मध्ये, शेअरचॅटची मूळ कंपनी मोहल्ला टेक प्रायव्हेट लिमिटेडची स्थापना झाली. यानंतर ऑक्टोबर 2015 मध्ये शेअरचॅट लाँच करण्यात आले. सुरुवातीला हे हिंदी, मराठी, मल्याळम आणि तेलगू भाषांमध्ये लॉन्च करण्यात आले होते.

अमेरिका, युरोपसह अनेक देशांमध्ये विस्तारला व्यवसाय
ShareChat चे मुख्यालय बंगळुरू येथे आहे. परंतू, या कंपनीने आपला व्यवसाय अमेरिका आणि युरोपसह जगातील अनेक देशांमध्ये पसरवला आहे. आज या अॅपचे करोडो वापरकर्ते आहेत. कंपनीने (Business Success Story) जवळपास 1000 लोकांना थेट नोकऱ्याही दिल्या आहेत. शेअरचॅटला जून 2022 मध्ये निधी मिळाला होता. जेव्हा कंपनीचे मूल्य 5 अब्ज डॉलर म्हणजेच 40 हजार कोटी रुपयांपेक्षा जास्त असल्याचा अंदाज होता.

IIT मधून घेतलं शिक्षण
अंकुश सचदेवाने 2015 मध्ये IIT कानपूरमधून पदवी प्राप्त केली. याआधी त्याने सोमरविले स्कूलमधून बारावी उत्तीर्ण केली होती. अंकुशने मे ते जुलै 2014 या कालावधीत मायक्रोसॉफ्टमध्ये इंटर्नशिपमध्ये काम केले आहे. अंकुश सध्या शेअरचॅटमध्ये कंपनीचा CEO म्हणून काम करत आहे. कंपनीचे मूल्यांकनही आता 50 हजार कोटींच्या पुढे गेले आहे.
अधिक माहितीसाठी पहा – https://careernama.com