करिअरनामा ऑनलाईन । नॅशनल टेस्टिंग एजन्सीद्वारे घेण्यात (UGC NET Exam 2024) येणारी यूजीसी-नेट परीक्षा रद्द केल्याची घोषणा शिक्षण मंत्रालयाने केली आहे. परीक्षा होऊन अवघ्या एका दिवसातच सरकारने परीक्षा रद्द केल्याची घोषणा करून सर्वांनाच आश्चर्याचा धक्का दिला आहे. नॅशनल टेस्टिंग एजन्सीद्वारे (NTA) द्वारे घेतलेली NEET वैद्यकीय प्रवेश परीक्षा देखील प्रश्नाधीन आहे आणि सध्या सर्वोच्च न्यायालयाद्वारे त्याचे पुनरावलोकन केले जात आहे. आता यूजीसी-नेट परीक्षा रद्द झाल्यामुळे विद्यार्थ्यांसह समाजात गंभीर प्रश्न निर्माण झाले आहेत. यावेळी एनटीएने OMR शीटवर ऑफलाइन पद्धतीने परीक्षा घेतली हे विशेष. देशभरातील 317 केंद्रांवर 11.21 लाख विद्यार्थ्यांनी परीक्षा दिली आहे मात्र, परीक्षा रद्द झाल्यानंतर आता पुन्हा एकदा संपूर्ण कसरत होणार आहे.
शिक्षण मंत्रालयाने निवेदनात म्हटले आहे की, ‘परीक्षा प्रक्रियेची सर्वोच्च पातळी पारदर्शकता आणि पावित्र्य राखण्यासाठी, भारत सरकारच्या शिक्षण मंत्रालयाने UGC-NET जून 2024 ची परीक्षा रद्द करण्याचा निर्णय घेतला आहे.’
मंगळवारी घेण्यात आली होती परीक्षा (UGC NET Exam 2024)
मंगळवारी म्हणजेच दि. 18 जून रोजी NTA ने देशातल्या विविध शहरांमध्ये नेट परीक्षा आयोजित केली होती. ही परीक्षा दोन शिफ्टमध्ये पेन आणि पेपर या पारंपारिक पद्धतीने घेण्यात आली. या परीक्षेसाठी तब्बल 11,21,225 उमेदवार बसले होते. परीक्षेची पहिली शिफ्ट सकाळी 9.30 ते 12.30 अशी होती. तर दुसरी शिफ्ट दुपारी 3 ते 6 अशी होती. 83 विषयांसाठी एकाचदिवशी NTA कडून ही परीक्षा घेण्यात आली. परंतु आता हीच परीक्षा रद्द झाली आहे.
सरकारने UGC-NET परीक्षा का रद्द केली?
शिक्षण मंत्रालयाने सांगितले की, भारतीय सायबर क्राइम कोऑर्डिनेशन सेंटरच्या नॅशनल सायबर क्राइम थ्रेट ॲनालिटिक्स युनिटकडून मिळालेल्या इनपुटच्या आधारे, यूजीसी नेट परीक्षा 2024 रद्द करण्याचा निर्णय घेण्यात आला. परीक्षेत हेराफेरी झाल्याचा दावा इनपुटमध्ये करण्यात आला आहे. तरी परीक्षेच्या नवीन तारखा लवकरच जाहीर केल्या जातील. शिक्षण मंत्रालयाने निवेदनात म्हटले आहे की, ‘परीक्षा प्रक्रियेची सर्वोच्च (UGC NET Exam 2024) पातळी पारदर्शकता आणि पावित्र्य राखण्यासाठी, भारत सरकारच्या शिक्षण मंत्रालयाने UGC-NET जून 2024 ची परीक्षा रद्द करण्याचा निर्णय घेतला आहे. नवीन चाचणी घेतली जाईल आणि त्याची माहिती लवकरच दिली जाईल. या प्रकरणात सीबीआय या प्रकरणाची व्यापक चौकशी करणार आहे. असिस्टंट प्रोफेसर आणि ज्युनियर रिसर्च फेलोशिप होण्यासाठी UGC-NET परीक्षेला बसणे आवश्यक असते.
नॅशनल टेस्टिंग एजन्सी काय आहे?
नॅशनल टेस्टिंग एजन्सी ही एक स्वायत्त संस्था आहे, जी देशातील उच्च शैक्षणिक संस्थांमध्ये प्रवेशासाठी प्रवेश परीक्षा घेते. नॅशनल टेस्टिंग एजन्सी प्रामुख्याने परीक्षा पेपर तयार करणे, परीक्षा केंद्रावर वितरित करणे आणि परीक्षा पेपर तपासण्याची जबाबदारी हाताळते. केंद्र सरकारने 2017 मध्ये याची घोषणा केली होती आणि डिसेंबर 2018 मध्ये NTA ने पहिली UGC-NET परीक्षा घेतली. UGC-NET, NEET, NTA व्यतिरिक्त अभियांत्रिकी (UGC NET Exam 2024) प्रवेश परीक्षा संयुक्त प्रवेश परीक्षा (मुख्य) देखील आयोजित करते. या परीक्षेच्या आधारे आयआयटी आणि एनआयटीसारख्या देशातील प्रमुख अभियांत्रिकी संस्थांमध्ये प्रवेश उपलब्ध आहेत. तथापि, जेईई मेन (JEE Main) नंतर, जेईई प्रगत स्तराची परीक्षा घेतली जाते आणि ती रोटेशन प्रणालीच्या आधारे आयआयटी संस्थांद्वारे घेतली जाते. या व्यतिरिक्त, NTA CMAT आणि GPAT सारख्या परीक्षा देखील घेते. देशातील व्यवस्थापन संस्थांमध्ये प्रवेश घेण्यासाठी CMAT आयोजित केले जाते आणि GPAT हे फार्मसी संस्थांमधील मास्टर्स प्रोग्राममध्ये प्रवेश घेण्यासाठी आयोजित केले जाते.
अधिक माहितीसाठी पहा – https://careernama.com
