करिअरनामा ऑनलाईन । मुंबई-रेल्वे भर्ती मंडळाने या वर्षीच्या रेल्वे भरती (Railway Recruitment 2024) परीक्षांचे वार्षिक कॅलेंडर प्रसिद्ध केले आहे. रेल्वेने एसएससी (SSC) आणि यूपीएससी (UPSC) प्रमाणे वार्षिक भरती कॅलेंडर जाहीर करावे; अशी मागणी गेल्या अनेक वर्षांपासून रेल्वेकडे होत होती. त्यानुसार रेल्वेने हे कॅलेंडर प्रसिद्ध केले आहे. यामध्ये वर्षभरात घेण्यात येणाऱ्या रेल्वेच्या परीक्षांची तारीख जाहीर करण्यात आली आहे.
त्यांच्या घोषणेमुळे रेल्वे भरती प्रक्रियेला गती मिळेल आणि विहित प्रवर्गासाठी विहित मुदतीत परीक्षा घेता येईल; जेणेकरून रेल्वे भरती परीक्षेत सहभागी होवू इच्छिणाऱ्या सर्व उमेदवारांना पूर्व नियोजनासाठी आणि परीक्षेच्या अभ्यास करण्यासाठी वेळ मिळणार आहे.
कोणत्या महिन्यात कोणत्या परीक्षा होणार (Railway Recruitment 2024)
नव्या वार्षिक कॅलेंडरनुसार, टेक्निशियनची भरती एप्रिलमध्ये, एनटीपीसी भरती जूनमध्ये आणि लेव्हल-१ भरती ऑक्टोबरमध्ये होणार आहे. एप्रिलमध्ये निवडणुकीची आचारसंहिता लागू शकते म्हणून यंदा तंत्रज्ञांची भरती फेब्रुवारीमध्ये केली असल्याची माहिती केंद्रीय रेल्वे मंत्री अश्विनी वैष्णव यांनी दिली आहे.
असिस्टंट लोको पायलटची भरती जानेवारी-मार्च दरम्यान घेतली जाणार आहे. एप्रिल ते जून या कालावधीत तंत्रज्ञ पदांसाठी भरती होणार आहे. यानंतर, जुलै-सप्टेंबरमध्ये, नॉन-टेक्निकल लोकप्रिय श्रेणी एनटीपीसी पदवी स्तर 4,5,6 साठी भरती होईल. या कालावधीत, रेल्वे कनिष्ठ अभियंता आणि पॅरामेडिकल श्रेणीसाठी देखील भरती केली जाईल. तसेच रेल्वे श्रेणी -१(ग्रुप डी भरती) आणि मंत्री आणि पृथक श्रेणीची भरती ऑक्टोबर-डिसेंबर महिन्यात होणार आहे.
वार्षिक कॅलेंडरमुळे उमेदवारांना होणारे फायदे –
1. जर उमेदवार पहिल्या संधीत भरतीस पात्र ठरला नाही तर भविष्यात त्याच्यासाठी अधिक संधी असणार
2. प्रत्येक वर्षी पात्र ठरलेल्या (Railway Recruitment 2024) उमेदवारांना समान संधी असतील.
3. निवड प्रक्रिया, प्रशिक्षण आणि नियुक्त्या जलद केल्या जातील.
अधिक माहितीसाठी पहा – https://careernama.com
