MHT CET 2022 EXAM Date । परीक्षांच्या तारखांबाबत उच्चशिक्षण मंत्र्यांनी केली ‘ही’ मोठी घोषणा

मुंबई । राज्यातील अभियांत्रिकी प्रवेशांसाठी महाराष्ट्र सामायिक प्रवेश परीक्षा (MHT-CET) घेण्यात येते. यंदाच्या सीईटी परीक्षेची तारीख (MHT CET 2022 Exam Date) अद्याप निश्चित झालेली नाही. मागील काही दिवसांपासून विद्यार्थ्यांकडून परीक्षा पुढे ढकलण्याची मागणी होत होती. तसेच JEE आणि NEET परीक्षांमुळे सीईटी बाबत निर्णय होणे गरजेचे होते. त्यानुसार आज राज्याचे उच्च आणि तंत्रशिक्षण मंत्री उदय सामंत यांनी MHT – CET परीक्षा ऑगस्टपर्यंत पुढे ढकलण्यात आली असल्याची घोषणा केली आहे.

अद्याप राज्य सरकारकडून परीक्षेच्या नवीन तारखांची घोषणा करण्यात आलेली नाही, तथापि, मंत्री सामंत यांनी आम्ही लवकरच सीईटी परीक्षेच्या तारखा जाहीर करू असे सांगितले आहे. मंत्री उदय सामंत यांनी गुरुवारी याबाबत अधिकृत ट्विटर हँडलवरून घोषणा केली. सामंत यांनी आपल्या ट्विटमध्ये, “जेईई आणि एनईईटीमुळे सीईटी ऑगस्टपर्यंत पुढे ढकलण्यात आली आहे.” असे म्हटले आहे. MHT CET 2022 Exam Date

अनेक विद्यार्थ्यांनी राज्य सरकारकडे परीक्षेच्या तारखा बदलण्याची मागणी केल्यानंतर CET परीक्षा पुढे ढकलल्यामुळे विद्यार्थ्यांमध्ये आनंदाचे वातावरण आहे. पूर्वीच्या तारखा इतर राज्य मंडळ आणि महाविद्यालयीन प्रवेश परीक्षांच्या तारखांशी जुळत होत्या. अनेक विद्यार्थ्यांनी ट्विटरसह सोशल मीडिया प्लॅटफॉर्मवरही याबाबत चिंता व्यक्त केली होती. MHT CET 2022 Exam Date

विद्यार्थ्यांच्या अनेक तक्रारींनंतर परीक्षेच्या तारखा एकदा नव्हे तर आता तीनदा बदलण्यात आल्या आहेत. पहिल्या परीक्षेच्या वेळापत्रकानुसार, महाराष्ट्र सीईटी 11 ते 28 जून 2022 मध्ये होणार होती. नंतर जेईई-मेनसाठी वेळापत्रक सुधारित करण्यात आले. आता, ताज्या वेळापत्रकानुसार MHT CET ऑगस्टमध्ये होणार आहे.

हे पण वाचा -
1 of 11

MHT CET ही महाराष्ट्रभरातील सहभागी संस्थांमध्ये अभियांत्रिकी/तंत्रज्ञान, फार्मसी आणि कृषी अभ्यासक्रमांच्या प्रवेशासाठी घेतली जाते. पीसीएम (भौतिकशास्त्र, रसायनशास्त्र आणि गणित) आणि पीसीबी (भौतिकशास्त्र, रसायनशास्त्र आणि जीवशास्त्र) या दोन गटांमध्ये परीक्षा घेतली जाते. ही एक बहुपर्यायी प्रश्न (MCQ) परीक्षा आहे, ज्यामध्ये तीन प्रश्नपत्रिका असतील – गणित, भौतिकशास्त्र आणि रसायनशास्त्र आणि जीवशास्त्र. प्रत्येक पेपरमध्ये एकूण 100 गुण असतील. MHT CET 2022 चे प्रश्न, CET सेलने जारी केलेल्या परीक्षा पद्धतीनुसार, महाराष्ट्र राज्य माध्यमिक आणि उच्च शिक्षण मंडळाच्या अभ्यासक्रमावर आधारित असतील.

MHT CET 2022 साठी नोंदणी सुरू आहे. उमेदवार mhtcet2022.mahacet.org किंवा cetcell.mahacet.org वर जाऊन परीक्षेसाठी अर्ज करू शकतात.हे

पण वाचा –

MH CET LAW | वकील बनायचंय? LLB ला प्रवेश कसा मिळतो? Top 5 College कोणते? जाणून घ्या

IB Recruitment 2022 । GATE स्कोअरद्वारे 150 सहाय्यक केंद्रीय गुप्तचर अधिकाऱ्यांची नियुक्त, पगार 1 लाख 42 हजार 400 रुपये

12वी पास ते पदवीधरांपर्यंत संधी ! आर्मी पब्लिक स्कूल अहमदनगर अंतर्गत भरती