करिअरनामा ऑनलाईन । केंद्रीय माध्यमिक शिक्षण (CBSE Single Girl Child Scholarship 2023) मंडळाने देशभरातील संलग्न शाळांमध्ये 2023-24 या वर्षात इयत्ता 11 वी किंवा इयत्ता 12 वी मध्ये शिकणाऱ्या मुलींना देण्यात येणाऱ्या सिंगल गर्ल चाइल्ड स्कॉलरशिपसाठी अर्ज करण्याची अंतिम तारीख वाढवली आहे. या शिष्यवृत्तीसाठी आता 31 ऑक्टोबरपर्यंत अर्ज करता येणार आहे. अर्ज प्रक्रिया सप्टेंबरमध्ये सुरू झाली असून यापूर्वी अर्ज करण्याची शेवटची तारीख 18 ऑक्टोबर रोजी संपली होती.
कोणाला आणि किती रुपयांची मिळते शिष्यवृत्ती – (CBSE Single Girl Child Scholarship 2023)
CBSE च्या सिंगल गर्ल चाइल्ड स्कॉलरशिप अंतर्गत, दोन वर्षांसाठी विहित पात्रता असलेल्या विद्यार्थिनींना दरमहा 500 रुपये दिले जातात. CBSE सिंगल गर्ल चाइल्ड स्कॉलरशिप फक्त अशा मुलींसाठी लागू केली जाऊ शकते ज्यांनी माध्यमिक (इयत्ता 10वी) परीक्षा किमान 60% गुणांसह उत्तीर्ण केली आहे आणि सध्या इयत्ता 11 वी मध्ये शिकत आहेत. तसेच, विद्यार्थ्याचे मासिक शिक्षण शुल्क दरमहा रु 1500 पेक्षा जास्त नसावे.
सिंगल गर्ल चाइल्ड स्कॉलरशिप केवळ 12 वीच्या (CBSE Single Girl Child Scholarship 2023) त्या विद्यार्थिनींसाठी लागू केली जाऊ शकते ज्यांना ही शिष्यवृत्ती इयत्ता 11 वीमध्ये देण्यात आली होती. अशा प्रकारे, बारावीच्या विद्यार्थिनींसाठी नूतनीकरण अर्ज सादर करावा लागतो. त्याची अंतिम तारीख देखील 31 ऑक्टोबर 2023 पर्यंत वाढवण्यात आली आहे.
सिंगल गर्ल चाइल्ड स्कॉलरशिपसाठी अर्ज प्रक्रिया
सिंगल गर्ल चाइल्ड स्कॉलरशिपसाठी अर्ज CBSEची अधिकृत वेबसाइट cbse.gov.in च्या होमपेजवरील Latest@CBSE विभागात सक्रिय लिंकवरून किंवा cbseit.in या ऍप्लिकेशन पोर्टलला थेट भेट देऊन केले जाऊ शकतात.
CSBE सिंगल गर्ल चाइल्ड स्कॉलरशिप 2023 – CLICK HERE
CSBE सिंगल गर्ल चाइल्ड स्कॉलरशिप 2023 गाईडलाईन लिंक – CLICK HERE
अधिक माहितीसाठी पहा – https://careernama.com
