करिअरनामा ऑनलाईन । देशातील विद्यार्थ्यांसाठी एक अत्यंत (NTA Alert) महत्वाची अपडेट आहे. ‘लोकसभा 2024 च्या सार्वत्रिक निवडणुकीत जे मतदान करतील आणि ज्यांच्या बोटांना मतदानाची शाई लागली असेल अशा विद्यार्थ्यांना नॅशनल टेस्टिंग एजन्सी (NTA) द्वारे आयोजित केल्या जाणाऱ्या परीक्षांसाठी परीक्षा हॉलमध्ये प्रवेश दिला जाणार नाही’; या मेसेज मुळे विद्यार्थ्यांमध्ये संभ्रम निर्माण झाला आहे.
NTA ने केला खुलासा
NEET UG 2024, CUET UG 2024, JEE Mains किंवा नॅशनल टेस्टिंग एजन्सीद्वारे घेतली जाणारी इतर कोणतीही परीक्षा देणाऱ्या उमेदवारांसाठी NTA कडून अलर्ट जारी करण्यात (NTA Alert) आला आहे. ज्याचा परिणाम देशातील 50 लाखांहून अधिक विद्यार्थ्यांवर होणार आहे; त्यामुळे एनटीएने याबाबत मोठा खुलासा केला आहे.
व्हायरल मेसेजमुळे विद्यार्थी संभ्रमात (NTA Alert)
गेल्या काही दिवसांपासून सोशल मीडियावर असे अनेक मेसेज पसरवले जात आहेत, ज्यामध्ये असा दावा केला जात आहे की लोकसभा 2024 च्या सार्वत्रिक निवडणुकीत जे मतदान करतील आणि ज्यांच्या बोटांना शाई लागली असेल त्यांना NTA द्वारे आयोजित केल्या जाणाऱ्या परीक्षांसाठी परीक्षा हॉलमध्ये (NTA Alert) प्रवेश दिला जाणार नाही. या मेसेज मुळे विद्यार्थ्यांमध्ये संभ्रम निर्माण झाला आहे. मात्र, ही माहिती खरी आहे की खोटी याचे स्पष्टीकरण आता NTA ने स्वत: दिले आहे; त्यामुळे विद्यार्थ्यांना दिलासा मिळाला आहे.
NTA ने दिले स्पष्टीकरण
NTA ने स्पष्ट केले आहे की; “सोशल मीडियावर असा (NTA Alert) दावा केला जात आहे; की लोकसभा 2024 च्या सार्वत्रिक निवडणुकीत जे मतदान करतील आणि ज्यांच्या बोटांना शाई लागली असेल त्यांना NTA द्वारे आयोजित केल्या जाणाऱ्या परीक्षांच्या परीक्षा हॉलमध्ये प्रवेश दिला जाणार नाही.” मात्र हा संदेश पूर्णपणे मूर्खपणाचा आहे. याला कोणताही आधार नाही. NTA ने अशी कोणतीही मार्गदर्शक तत्वे जारी केलेली नाहीत. त्यामुळे विद्यार्थ्यांनी अशा अफवांकडे लक्ष देऊ नये व मतदानाचा हक्क बजावावा, मतदानामुळे परीक्षेसाठी तुमच्या पात्रतेवर कोणताही फरक पडणार नाही.” असे एनटीएने स्पष्ट केले आहे. तसेच एजन्सीने उमेदवारांना त्यांच्या अभ्यासावर लक्ष केंद्रित करून आगामी परीक्षेची तयारी करण्याचा सल्ला दिला आहे.
अधिक माहितीसाठी पहा – https://careernama.com
