करिअरनामा ऑनलाईन । अनेकदा अपयश आल्यावर हार मानणे (UPSC Success Story) हा काही माणसांचा स्वभाव असू शकतो. असे म्हणतात की कोणत्याही क्षेत्रात यश मिळवणे शक्य असेल तर सातत्य आणि जिद्द ठेवून पुढं जायला हवं. अशीच एक मुलगी आहे जी अपयशानंतरही जिद्दीने आपल्या स्वप्नांचा पाठलाग करत आहे. खूप मेहनत घेतल्यानंतर अखेर तिसऱ्या प्रयत्नात ती UPSC परीक्षा उत्तीर्ण करण्यात यशस्वी ठरली आहे. या परीक्षेत तिने चौथा क्रमांक पटकावला आहे. स्मृती मिश्रा (IAS Smriti Mishra) असं तिचं नाव आहे.
दिल्ली विद्यापीठाची विद्यार्थिनी
स्मृती मिश्रा या उत्तर प्रदेशातील प्रयागराज येथील रहिवासी आहेत. लहानपणापासूनच त्यांच्यामध्ये जबाबदारीची भावना आणि समाजासाठी योगदान देण्याची इच्छा निर्माण झाली. त्यांचे वडील राजकुमार मिश्रा हे बरेलीमध्ये सीओ (CO) म्हणून काम करत आहेत, तर त्यांचा भाऊ सर्वोच्च न्यायालयात वकील आहे. स्मृती यांचे शालेय शिक्षण आग्रा शहरातील सेंट क्लेअर उच्च माध्यमिक विद्यालयातून झाले. त्यांनी दिल्ली विद्यापीठाच्या मिरांडा हाऊस कॉलेजमधून B.Sc पदवी प्राप्त केली आहे.
12 वीत मिळवले 96.6% गुण (UPSC Success Story)
स्मृती लहानपणापासूनच अभ्यासात एकदम वेगवान होत्या. त्यांना 12 वीच्या परीक्षेत 96.6 टक्के गुण मिळाले आहेत. UPSC नागरी सेवा परीक्षेसाठी त्यांनी प्राणिशास्त्र हा पर्यायी पेपर म्हणून निवडला होता. त्यांची खरी आवड आणि वैज्ञानिक पार्श्वभूमी यामुळे या विषयाने UPSC परीक्षेत खूप महत्त्वाची भूमिका बजावली. स्मृती तिच्या वैकल्पिक पेपरमध्ये चांगली कामगिरी करू शकली, ज्यामुळे तिला यूपीएससी मुख्य परीक्षेत चांगले गुण मिळवता आले आहेत.
दुसऱ्या प्रयत्नात UPSC पूर्व परीक्षेसाठी पात्र होऊ शकली नाही
UPSC परीक्षेत स्मृती यांना सलग दोनवेळा अपयशाचा सामना करावा लागला आहे. त्यांनी तिसऱ्या प्रयत्नात UPSC परीक्षा पास केली आहे. 2021 मध्ये CSAT उत्तीर्ण होऊ न शकल्यामुळे त्यांना दुसऱ्या प्रयत्नात प्रिलिम्स परीक्षाही पास करता आली नाही. स्मृती त्यांच्या दुसऱ्या प्रयत्नात प्रीलिम्समध्ये अपयशी ठरल्या (UPSC Success Story) असल्या तरी त्यांनी या परीक्षेत उत्तीर्ण होण्याचे आणि देशाची सेवा करण्याचे स्वप्न आणि जिद्द सोडली नाही. आज त्या IAS अधिकारी पदावर महत्वाची जबाबदारी पर पाडत आहेत. स्मृती यांचा हा प्रवास त्यांच्या जिद्द, तळमळ आणि सार्वजनिक सेवेत सहभागी होण्याच्या कटिबद्धतेचा दाखला आहे.
अशी केली UPSC ची तयारी
IAS स्मृती मिश्रा म्हणतात, “मला आठ तास अभ्यास करायचा आहे की 10 तास याकडे मी कधीच लक्ष दिले नाही. मी नेहमी विषय ठरवायचे आणि त्यानुसार मी पुढचा अभ्यास करायचे. अभ्यासावर लक्ष केंद्रित करण्यासाठी मी सोशल मीडियापासून दूर राहिले होते. मी फक्त व्हॉट्सॲपच्या माध्यमातून मित्र-मैत्रिणींशी आणि कुटुंबीयांशी जोडलेली होते.”
स्मृती सांगते की, “माझे वडील लोकांना खूप मदत करतात. त्यांच्याप्रमाणे मलाही गरजू लोकांना मदत करायची आहे. महिलांना त्यांचे हक्क मिळवून द्यायचे आहेत. म्हणूनच मी सुरुवातीपासूनच ठरवले होते की मला आयएएस अधिकारी व्हायचे आहे; आणि ही जिद्द मी पूर्ण केलीच.
अधिक माहितीसाठी पहा – https://careernama.com
