करिअरनामा ऑनलाईन । चांगली नोकरी सोडून स्वतःचे काम (Success Story) सुरू करणे ही सोपी गोष्ट नाही. पण एखादी गोष्ट करायची इच्छा असेल तर माणूस रिस्क घ्यायला घाबरत नाही. अशी एक गोष्ट आहे प्रसिद्ध कंटेंट क्रिएटर हर्षिता गुप्ता हिची. सोशल मीडियावर तिने तिच्या कॉमेडी व्हिडिओंद्वारे छाप पाडल्यानंतर आता उद्योग जगातही तिने प्रवेश केला आहे. तिचा हा प्रवास चढ-उतारांनी भरलेला आहे. वाचा एक यशस्वी उद्योजिका हर्षिता गुप्ता यांच्या जीवन प्रवासाबद्दल….
सोशल मीडियाच्या दुनियेतील एक प्रसिद्ध चेहरा
बिझनेसमन नीरज गुप्ता आणि शिक्षिका नीलम गुप्ता यांची मुलगी हर्षिता सोशल मीडियाच्या दुनियेतील एक प्रसिद्ध चेहरा आहे. उत्तर प्रदेशची राजधानी लखनऊ येथील हर्षिता रहिवासी आहे. ही तरुणी देशभरात प्रसिद्ध आहे. तिचे व्हिडिओ अनेकदा सोशल मीडियावर व्हायरल होतात. बेस्ट फ्रेंड सिरिज असो किंवा वडील-मुलगी व्हिडिओ; तिचे हे विषय लोकांना त्यांच्या आयुष्याशी निगडीत वाटतात. आता तिने कॉमेडी व्हिडीओ निर्माण करण्यासोबतच एक उद्योजिका म्हणूनही स्वत:ची नवी ओळख निर्माण केली आहे.
6 महिन्यातच पहिली नोकरी सोडली (Success Story)
हर्षिता गुप्ताने तिचे शालेय शिक्षण लखनऊच्या ला मार्टिनियर गर्ल्स कॉलेजमधून पूर्ण केले आहे. त्यानंतर तिने नोएडा येथील एका खासगी विद्यापीठातून पत्रकारिता आणि जनसंवाद या विषयात बॅचलर पदवी मिळवली. लखनौमधील एका रेडिओ चॅनलमधून निर्माता म्हणून तिने आपल्या करिअरची सुरुवात केली. त्यावेळी तिला 24,000 रुपये पगार मिळत होता. पण तिथल्या विषारी कार्यसंस्कृतीमुळे तिला काळजी वाटू लागली आणि अवघ्या 6 महिन्यातच तिने ही नोकरी सोडली. त्यानंतर ती रेडिओ जॉकी म्हणून दुसऱ्या वाहिनीवर रुजू झाली. बॉसच्या सांगण्यावरून तिथे तिने व्हिडिओ बनवायला सुरुवात केली. सुरुवातीला थोडी अडचण आली पण नंतर कॅमेऱ्याशी तिची छान मैत्री झाली.
फोर्ब्सच्या यादीत 9 व्या क्रमांकावर आहे हर्षिता
फोर्ब्सने हर्षिता गुप्ताला टॉप 100 कंटेंट क्रिएटर्सच्या यादीत 9व्या क्रमांकावर ठेवले आहे. तिने मजबुरीतून सुरू केलेले काम आता तिची ओळख बनली आहे. पण ती एवढयावरच थांबणार नव्हती. तिला पुढे जायचे होते. डिसेंबर २०२३ मध्ये श्रेय छाबरासोबत तिचे लग्न झाले. लग्न केल्यानंतर तिने आपला व्यवसाय सुरू केला. लखनौच्या मुलीवर तिथल्या प्रसिद्ध चिकनकारी कपड्यांचा खूप प्रभाव होता. हर्षिताने तिच्या लग्नातही लाल रंगाचा सुंदर चिकनकारी लेहेंगा परिधान केला होता. तिचा हा लूक सोशल मीडियावर चांगलाच व्हायरल झाला आहे. यानंतरच ती चिकनकारीच्या दुनियेत आपली कलाकुसर दाखवू शकते हे तिला समजले.
व्यवसाय सुरू करणे सोपे नव्हते
हर्षिताचे वडील आणि भाऊ व्यवसाय चालवत असले तरी हा अनुभव तिच्यासाठी आणि तिचा नवरा श्रेय छाब्रा यांच्यासाठी पूर्णपणे नवीन होता. सोशल मीडिया सामग्रीसह चिकनकारी व्यवसाय सुरू करणे सोपे नव्हते. पण दोघांनीही या व्यवसायात स्वतःला झोकून दिले. कठोर मेहनत आणि योग्य नियोजनाने त्यांनी चिकनकारी ह्यूज सुरू केले. हर्षिता गुप्ता म्हणते की स्वतंत्र कंटेंट क्रिएटर बनल्यानंतर ती पुन्हा नोकरीच्या जगात जाऊ शकत नाही. तिला असे काहीतरी करावे लागेल ज्यामध्ये ती स्वतःची बॉस बनू शकेल. त्यामुळे उद्योजक बनणे हा तिच्यासाठी सर्वोत्तम पर्याय होता.
वडिलांचे स्वप्न पूर्ण करण्यासाठी धडपड
हर्षिता गुप्ताने सोशल मीडिया यूजर्सची नाडी चांगल्या प्रकारे (Success Story) समजून घेतली आहे. लोकांना तिच्याकडून काय हवे आहे हे तिला चांगले माहीत झाले आहे. पूर्णवेळ कंटेंट निर्मितीसह नवीन व्यवसाय सुरू करणे हे तिच्यासाठी खूप आव्हानात्मक होते परंतु तरीही तिची 100% काम करण्याची तयारी होती. तिला चिकनकारी कलेला वेगळ्या उंचीवर न्यायचे होते. निफ्टमध्ये प्रवेश घेऊन तिने डिझायनिंग शिकावे, अशी तिच्या वडिलांची इच्छा होती. मात्र ती या प्रवेश परीक्षेत नापास झाली. आता तिला वडिलांचे स्वप्न चिकनकारी ह्यूजच्या माध्यमातून पूर्ण करायचे आहे. तिला यामध्ये नवनवे ट्रेंड वापरायची इच्छा आहे.
लोकांनी सुरवातीला मूर्ख बनवले
हे डिजिटल युग आहे. ऑनलाइन व्यवसाय हा पारंपारिक व्यवसायापेक्षा खूप वेगळा आहे. चिकणकारी हे असे क्षेत्र आहे ज्यामध्ये तिला मार्गदर्शन करणारे कोणी नव्हते. सुरुवातीला लोकांनी तिला मूर्ख बनवले, तिच्या अनेक प्रयत्नांनंतरही भरपूर पैसे खर्च झाले आणि परतावा कमी मिळाला पण हर्षिता गुप्ताने हार मानली नाही. कमी बजेट असल्यामुळे ती प्रॉडक्शन, स्टाइलिंग, पॅकेजिंग, मॉडेलिंग, जाहिरात ही सर्व कामे स्वत: करते.
नवोदित उद्योजकांना काय सल्ला देते
हर्षिताला खास डिझाईन्स तयार करून चिकनकारीसाठी वेगळी बाजारपेठ निर्माण करायची आहे. तिला यामध्ये सुधारणा करायची आहे पण त्यासाठी वेळ लागेल. कुटुंब आणि वर्क लाईफ बॅलन्स करण्यावरही ती खूप लक्ष देते. पती आणि कुटुंबासह, ती व्हिडिओ आणि चिकनकारी व्यवसाय यशस्वीपणे हाताळत आहे. नवोदित उद्योजकांसाठी तिने खास टिप्सही दिल्या आहेत.
हर्षिता नवोदित उद्योजकांना सांगते की, तुम्हाला तुमचे काम सुरू (Success Story) करायचे असेल तर विलंबाची सवय पूर्णपणे सोडून द्या. स्वतःचे काम सुरू करणे म्हणजे संपूर्ण जबाबदारी तुमचीच असेल; हे लक्षात ठेवा. काही चांगलं घडलं तर त्याचा फायदा होतो आणि काही वाईट झालं तर नुकसानही होतं. हर्षिताने अगदी शून्यातून सर्वकाही सुरू केले आहे. ती इन्स्टाग्रामवर तिच्या प्रवासाशी संबंधित व्हिडिओ शेअर करत असते. ती रोज काहीतरी नवीन शिकते आणि तिच्या चुकांमधून धडा घेते. तिचे जीवनात एकच ध्येय आहे आणि त्या दृष्टीने ती तयारी करत आहे आणि हे ध्येय साध्य करण्यासाठी कठोर परिश्रम घेत आहे.
अधिक माहितीसाठी पहा – https://careernama.com
