करिअरनामा ऑनलाईन । आजच्या कथेत तुम्हाला गौरव कौशल (Career Success Story) भेटेल. गौरव हा मूळचा हरियाणाचा आहे. त्याचे शालेय शिक्षण पंचकुला येथे झाले. गौरव कौशलने बारावीनंतर अभियांत्रिकीचा अभ्यास करण्यासाठी JEE MAIN आणि ADVANCE परीक्षा दिली. ही परीक्षा देशातील कठीण प्रवेश परीक्षांपैकी एक आहे. यामध्ये तो पास झाला आणि त्याला आयआयटी दिल्लीत (IIT Delhi) प्रवेशही मिळाला. तेथे त्याने वर्षभर शिक्षण घेतले पण त्याचे समाधान होत नव्हते. त्यामुळे गौरवने IIT सोडली.
उच्च शिक्षित आहे गौरव
दरवर्षी लाखो विद्यार्थी आयआयटीमध्ये प्रवेश घेण्याचे स्वप्न पाहतात, त्यासाठी जीवतोड मेहनत घेतात परंतु काही मोजकेच त्यांचे स्वप्न सत्यात उतरवू शकतात. गौरव आयआयटी दिल्लीमध्ये एक वर्ष बीटेक (B.Tech) शिकला, इथून बाहेर पडल्यानंतर बीआयटीएस पिलानीमध्ये प्रवेश घेतला आणि तिथून कॉम्प्युटर सायन्समध्ये बीटेक केले. इथूनही त्याने कॉलेज आणि कोर्स एका वर्षानंतर सोडला. यानंतर शेवटी पंजाब इंजिनीअरिंग कॉलेजमधून बी.टेक. केले. अभियांत्रिकीचे शिक्षण घेत असतानाच त्यांनी देशसेवा करण्याचे ठरवले आणि शिक्षण घेत असतानाच त्यांनी नागरी सेवा परीक्षेची तयारी केली. 2012 मध्ये UPSC परीक्षा उत्तीर्ण केली आणि संपूर्ण भारतातून 38 वा क्रमांक मिळवला. त्याची IDES (इंडियन डिफेन्स इस्टेट सर्व्हिस) मध्ये नियुक्ती झाली.
मिळालेली अनेक उच्च सरकारी पदे नाकारली (Career Success Story)
गौरवने एसएससी सीजीएल (SSC CGL) परीक्षा देखील पास केली आहे. पण तिथे त्याला मिळालेले पद त्याने स्वीकारले नाही. UPSC परीक्षा देणाऱ्या उमेदवारांसाठी तो मार्गदर्शन करत असे. UPSC उत्तीर्ण झाल्यानंतर त्यांने हिमाचल प्रदेश कसौली येथे CEO म्हणून काम केले. चंदीगडमध्ये डिफेन्स इस्टेट ऑफिसर म्हणून काम केले, जालंधरमध्ये डिफेन्स इस्टेट ऑफिसर म्हणूनही काम केले. त्यानंतर त्याने नोकरीचा राजीनामा दिला.
सोशल मिडियावर परीक्षा आणि फिटनेसविषयी करतो मार्गदर्शन
गौरव सध्या कंटेंट क्रिएटर म्हणून काम करतो. UPSC उत्तीर्ण झाल्यानंतर 11 वर्षांनी त्याने नोकरी सोडली, आता तो UPSC देण्यास इच्छुक असणाऱ्यांना मार्गदर्शन करत आहे. त्याने दोनदा JEE क्रॅक केली होती त्याचे यूट्यूब (YouTube) चॅनल आणि इंस्टाग्राम अकाउंटवर व्हिडिओ येतात. तो नियमितपणे (Career Success Story) परीक्षेची रणनीती कशी असावी आणि फिटनेस कसा ठेवायचा यावर व्लॉग करतो. गौरवने त्याच्या सोशल मीडिया प्रोफाइलवर माहिती दिली आहे की, तो UPSC CSE-2012 चा विद्यार्थी आहे. विद्यार्थ्यांसाठी तो मार्गदर्शक आहे. UPSC CSE, IIT-JEE आणि SSC CGL परीक्षा त्याने पास केली आहे. तो फिटनेसच्या बाबतीत जागरूक असून गेल्या 16 वर्षांपासून तो फिटनेस राखण्यात उत्साही दिसतो. त्याचे लग्न नॅन्सी लूम्बाशी झाले आहे.
गौरवचा ‘या’ गोष्टीवर आहे विश्वास
गौरव कौशलचा असा विश्वास आहे की भारतात पुरेशी युवाशक्ती आहे. त्यांना योग्य दिशा मिळाली तर आपल्या देशाची स्थिती सुधारू शकते. त्यांच्या मार्गदर्शनाने जर एखादा मुलगा आयएएस होण्यात यशस्वी झाला तर ती त्याच्या आयुष्यातील सर्वात मोठी प्राप्ती असेल; असे तो मानतो.
अधिक माहितीसाठी पहा – https://careernama.com
