करिअरनामा ऑनलाईन । केंद्रीय लोकसेवा आयोगाची परीक्षा ही देशातील सर्वात कठीण परीक्षांपैकी एक मानली जाते. दरवर्षी देशाच्या विविध राज्यातील लाखो उमेदवार या परीक्षेत भाग घेतात. म्हणून अनेक विद्यार्थी ही परीक्षा पुन्हा पुन्हा देतात परंतु असेही काही लोक आहेत जे तयारीशिवाय परीक्षा पास करतात. सर्जना यादव यांनीही असेच काहीसे दाखवले आहे. सर्जना यादव यांनी नोकरीसह यूपीएससीची तयारी केली आणि तिसर्‍या प्रयत्नातच परीक्षा उत्तीर्ण केली.
नोकरीसह यूपीएससीची तयारी करण्याबाबत सर्जना यादव म्हणाल्या की, ‘बर्‍याचदा लोक असा विचार करतात की परीक्षा देण्यासाठी कोचिंग आवश्यक आहे. जे पूर्णपणे चुकीचे आहे. मी दोनदा यूपीएससी परीक्षा दिली, पण दोन्ही वेळा नापास झाली. त्यानंतर मी 2018 मध्ये माझी नोकरी सोडली आणि सेल्फ स्टडीवर लक्ष केंद्रित करण्यास सुरूवात केली. मी तिसऱ्यांदा परीक्षा दिली तेव्हा माझी निवड झाली आणि मला ऑल इंडिया रँक 126 मिळाली.’
सर्जना यादव यांचे मत आहे की, यूपीएससीची तयारी करण्यासाठी आपल्या क्षमतेनुसार रणनीती बनविली पाहिजे. यासह, आपण अभ्यासाचे तास देखील ठरवावेत आणि त्यानुसार तयारी करावी. कोणताही विषय सखोलपणे वाचण्याचा प्रयत्न करा, जेणेकरून गोंधळ होणार नाही. आपण अभ्यासाचे तास ठरवावेत आणि त्यानुसार या प्रवासात पुढे जा. अभ्यासक्रम संपल्यानंतर जास्तीत जास्त पुनरावृत्ती व उत्तर लेखनाचा सराव करा. अपयशाची भीती बाळगू नका आणि कठोर परिश्रम करा, निश्चितच तुम्हाला यश मिळेल.
नोकरी आणि करिअर अपडेट्स थेट मोबाईलवर मिळविण्यासाठी आमच्या 8446429275 या क्रमांकावर Whatsapp करा आणि लिहा HelloJob.
Click Here To Join Our Whatsapp Group
अधिक माहितीसाठी पहा – https://careernama.com
