करिअरनामा ऑनलाईन । महाराष्ट्र राज्य माध्यमिक आणि उच्च माध्यमिक (10 th Board Results 2024) शिक्षण मंडळाकडून घेण्यात आलेल्या दहावी परीक्षेचा निकाल नुकताच जाहीर करण्यात आला आहे. दहावीचा यंदाचा राज्याचा एकूण निकाल 95.81 टक्के इतका लागला आहे. 12 वी प्रमाणे 10 वी च्या निकालामध्ये कोकण विभागाने बाजी मारली असून नागपूर विभाग पिछाडीवर राहिला आहे. नागपूर विभागाचा निकाल 94.73 टक्क्यांसह राज्यातील विभागनिहाय टक्केवारीनुसार सर्वात खाली गेला आहे. तर निकालांमध्ये पुन्हा एकदा मुलींनी बाजी मारली आहे. मुलींचा निकाल 97.21 टक्के तर मुलांचा निकाल 94.56 टक्के लागला आहे. आकडेवारीनुसार, सर्वच विभागांमध्ये मुलींनी बाजी मारली आहे. एकूण 72 विषयांपैकी 18 विषयांचा 100 टक्के लागला आहे. या परीक्षेला बसलेल्या सर्व विद्यार्थ्यांच्या निकालाची एकूण टक्केवारी 94.86 टक्के इतकी आहे.
16 लाख 9 हजार 544 विद्यार्थ्यांनी दिली परीक्षा (10 th Board Results 2024)
आज महाराष्ट्र राज्य माध्यमिक आणि उच्च माध्यमिक शिक्षण मंडळाच्यावतीने पत्रकार परिषद घेण्यात आली. पत्रकार परिषदेतून निकालासंदर्भातील ठळक माहिती जाहीर करण्यात आली आहे. शैक्षणिक वर्ष 2023 -2024 मध्ये दहावीच्या परीक्षेसाठी नोंदणी करणाऱ्या विद्यार्थ्यांच्या संख्येत वाढ झाली आहे. दहावीच्या परीक्षेसाठी यंदा 16 लाख 9 हजार 544 विद्यार्थ्यांनी नोंदणी केली होती. या विद्यार्थ्यांसह पालकांचीही निकाल पाहण्याची उत्सुकता शिगेला पोहोचली आहे. आज (दि. 27 मे) दुपारी एक वाजता बोर्डाच्या अधिकृत वेबसाईटवर निकाल जाहीर केला जाणार आहे. विद्यार्थ्यांना दुपारी 1 वाजल्यापासून निकाल पाहता येणार आहे.
अशी आहे विभागनिहाय टक्केवारी
1. पुणे – 96.44 टक्के
2. नागपूर – 94.73 टक्के
3. छत्रपती संभाजीनगर – 95.19 टक्के
4. मुंबई – 95.83 टक्के (10 th Board Results 2024)
5. कोल्हापूर – 97.45 टक्के
6. अमरावती – 95.58 टक्के
7. नाशिक – 95.28 टक्के
8. लातूर – 95.27 टक्के
9. कोकण – 99.01 टक्के
या अधिकृत वेबसाईटवर पहा निकाल –
https://mahresult.nic.in
http://sscresult.mkcl.org
https://sscresult.mahahsscboard.in
https://results.digilocker.gov.in
https://results.targetpublications.org/
अधिक माहितीसाठी पहा – https://careernama.com
