करिअरनामा ऑनलाईन । कृत्रिम बुद्धिमत्तेवर (Artificial Intelligence) म्हणजेच आर्टिफिशियल इंटेलिजन्स (AI) या विषयावर विधान परिषदेत पहिल्यांदाच वाचा फुटली. सध्या हा विषय जगभरातील विविध क्षेत्रांत ज्ञान आणि माहितीसाठी चर्चा आणि आव्हानाचा विषय ठरला आहे.
हा विषय नवीन अभियांत्रिकी महाविद्यालयांना दिला जात आहे. त्यासाठी मागणीही असून या विषयात पदवी घेणारे १४ हजार २७७ विद्यार्थी आहेत; तर पदवी देणारी २२० महाविद्यालये आणि पदविका देणाऱ्या ४१ संस्थांमध्ये एक हजार ९४७ विद्यार्थी एआयचा (AI)अभ्यास करत आहेत. त्यांना पदवी मिळणार असल्याचे सांगत नवीन शैक्षणिक धोरणातही एआयसारखा विषय देता येईल; असे उच्च व तंत्र शिक्षणमंत्री चंद्रकांत पाटील यांनी स्पष्ट केले.
भारती यांनी राज्यात उच्च शिक्षण घेणाऱ्या २३ लाख विद्यार्थ्यांना एआयच्या विषयावर सर्वंकष विचार करून रोडमॅप तयार करावा लागेल; अशी मागणी केली. तसेच एआयचा उपयोग रोजगारवाढीसाठी होतोय का, याचा विचार होण्याची गरज आहे; असं मत त्यांनी व्यक्त केलं. विधान परिषदेचे (Artificial Intelligence) सदस्य श्रीकांत भारती यांनी एआय विषयावर लक्षवेधी सूचना मांडून सभागृहाचे लक्ष वेधले होते. यासाठी विविध क्षेत्रांत निर्माण होणारी आव्हाने आणि त्यावरील काही पर्याय आत्ताच विचारात घेऊन त्यावर उपाय करण्याच्या सूचना त्यांनी मांडल्या. यासाठी विविध अभ्यासक्रम आणि शाखांची आवश्यकता असल्याने उच्चस्तरीय समिती नेमण्याची मागणी त्यांनी केली. मंत्री चंद्रकांत पाटील यांना यावर प्रभावी उत्तर देता आले नाही. त्यांनी केवळ सर्व सूचना मान्य असल्याचे सांगितले. अशा कुठल्याही विषयात सरकार मागे राहणार नसल्याचे पाटील यांनी सांगितले.
दुरुपयोग टाळण्यासाठी शालेय शिक्षण विभागाला सामावून घ्यावे लागेल (Artificial Intelligence)
AIचा दुरुपयोग टाळायचा असेल तर यामध्ये शालेय शिक्षण विभागालाही सामावून घ्यावे लागेल. संयुक्तरीत्या कार्यक्रम राबवणार का, असा सवाल आमदार सत्यजीत तांबे यांनी केला. त्यावर पाटील यांनी एकत्र बसून सूचना दिल्या जातील; असे आश्वासन दिले.
सभापती डॉ. नीलम गोऱ्हे यांनी यासंदर्भात जे अपडेट आहेत, त्याची माहिती सदस्यांना देण्याच्या सूचना दिल्या. यावर आयआयटीसारख्या (IIT) संस्थांशी काही करार करता येतील का? यावर विचार करण्याचे आश्वासन मंत्री पाटील यांनी यावेळी दिले.
अधिक माहितीसाठी पहा – https://careernama.com
