करिअरनामा ऑनलाईन | प्रीशा चक्रवर्ती या विद्यार्थिनीने 16 हजार (Prisha Chakraborty) विद्यार्थ्यांच्या अभियोग्यता चाचणीत भाग घेतल्यानंतर ‘जगातील सर्वात हुशार’ विद्यार्थ्यांच्या यादीत स्थान मिळवले आहे. 2023 च्या उन्हाळ्यात दिलेल्या परीक्षेत प्रीशा यशस्वी झाली आणि जवळपास 90 देशांतील विद्यार्थ्यांशी स्पर्धा करून तिचे नाव जगातील सर्वात हुशार तरुण मनाच्या यादीत नोंदवले गेले आहे.
प्रीशा ही फ्रॅमोंट, कॅलिफोर्निया येथील वॉर्म स्प्रिंग एलिमेंटरी स्कूलमध्ये तिसऱ्या इयत्तेत शिकत आहे. तिने गेल्या वर्षी अमेरिकेतील जॉन्स हॉपकिन्स सेंटर फॉर टॅलेंटेड यूथ (JH-CTY) या सर्वात कठीण परीक्षेत भाग घेतला. या परिक्षेत तिने उल्लेखनीय कामगिरी केली. CTY मुल्यांकनाचा भाग म्हणून तिला स्कॉलॅस्टिक असेसमेंट टेस्ट (SAT), अमेरिकन कॉलेज टेस्टिंग (ACT), आणि शाळा आणि महाविद्यालयीन क्षमता चाचण्यांवरील त्यांच्या उत्कृष्ट कामगिरीसाठी ओळखले गेले.
प्रीशाने CTY च्या शाब्दिक आणि परिमाणात्मक विभागात 99 टक्के गुणांसह उत्कृष्ट कामगिरी केली, जे प्रगत ग्रेड 5 स्तरावर आधारित होते. यासाठी तिला ग्रॅंड ऑनरने सन्मानित करण्यात आले आहे.
प्रीशा मेन्सा फाउंडेशनची आजीवन सदस्य देखील आहे, जे जगातील सर्वात जुनी उच्च-आयक्यू सोसायटी आहे. फाऊंडेशनचे सदस्यत्व फक्त त्यांच्यासाठी खुले (Prisha Chakraborty) आहे जे प्रमाणित, पर्यवेक्षित IQ किंवा इतर मान्यताप्राप्त बुद्धिमत्ता चाचणीमध्ये 98 टक्के किंवा त्याहून अधिक गुण मिळवतात.
तिने वयाच्या सहाव्या वर्षी राष्ट्रीय स्तरावरील NNAT (Naglieri Nonverbal Aability Test) मध्ये 99 टक्के गुण मिळवून हे यश संपादन केले, जे प्रतिभावान कार्यक्रमांसाठी K-12 विद्यार्थ्यांचे मूल्यांकन करते. प्रीशाला अभ्यासाव्यतिरिक्त प्रवास आणि गिर्यारोहणाची आवड आहे आणि तिला मार्शल आर्ट्सची देखील आवड आहे.
अशी झाली CTY ची स्थापना (Prisha Chakraborty)
1979 मध्ये प्रगत शिक्षणासाठी चाचणी, प्रोग्रामिंग आणि इतर समर्थनावरील परिणामांद्वारे प्रतिभाशाली शिक्षणास प्रोत्साहन देण्यासाठी एक नवोपक्रम केंद्र म्हणून करण्यात आली आहे. तिचे कार्यकारी संचालक, एमी शेल्टन यांच्या मते, परीक्षेचे निकाल हे केवळ विद्यार्थ्याच्या शैक्षणिक क्षमतेची ओळख देत नाहीत, तर ते त्यांच्या कुतूहल आणि शिकण्याच्या क्षमतेचा पुरावा देखील आहेत.
अधिक माहितीसाठी पहा – https://careernama.com
