नवी दिल्ली : नॅशनल टेस्टिंग एजन्सी (NTA) ने JEE मेन 2022 जून सत्रासाठी (सत्र 1) अर्ज प्रक्रिया पुन्हा सुरू केली आहे. NTA ने नोंदणी करण्यासाठी आणखी एक संधी दिली आहे. ज्या उमेदवारांनी अद्याप अर्ज केलेला नाही त्यांनी लवकरात लवकर अर्ज करावा असे NTA कडून सांगण्यात आले आहे
अर्ज करण्याची अंतिम तारीख 25 एप्रिल 2022 आहे. JEE Mains 2022 जून सत्रासाठी अर्ज करण्यासाठी, उमेदवारांनी jeemain.nta.nic.in ला भेट देणे आवश्यक आहे. NTA ने 18 एप्रिल ते 25 एप्रिल दरम्यान नोंदणी विंडो उघडली आहे.
जेईई मेन सत्र 1 परीक्षेची तारीख वाढविल्यानंतर, मोठ्या संख्येने उमेदवारांनी त्यांना पुन्हा अर्ज करण्याची संधी द्यावी अशी मागणी केली होती. उमेदवारांची मागणी लक्षात घेऊन नॅशनल टेस्टिंग एजन्सीने पुन्हा एकदा नोंदणी विंडो उघडली आहे.
25 एप्रिल रोजी रात्री 9 वाजेपर्यंत अर्ज करता येईल
NTA ने अधिसूचना जारी केली आहे, ज्यात असे नमूद केले आहे की अर्ज करण्याची अंतिम तारीख 25 एप्रिल (PM 9) आहे तर उमेदवार 25 एप्रिल 11:50 PM पर्यंत अर्ज शुल्क भरू शकतात. अलीकडे JEE (JEE Mains Exam Date 2022) Mains परीक्षेच्या तारखांमध्ये बदल करण्यात आला आहे. JEE Mains (JEE Mains Exam 2022) पहिल्या सत्राची परीक्षा पूर्वी एप्रिलमध्ये घेतली जाणार होती जी आता जूनमध्ये घेतली जाईल. सुधारित वेळापत्रकानुसार, परीक्षा 20 जून ते 29 जून या कालावधीत होणार आहे.
सत्र दोनची परीक्षा २ जुलै ते ३१ जुलै या कालावधीत होणार आहे. ज्या विद्यार्थ्यांनी 2020, 2021 मध्ये इयत्ता 12 वी किंवा त्याच्या समकक्ष परीक्षा पूर्ण केली आहे किंवा 2022 मध्ये 12 वी बोर्डाची परीक्षा दिली आहे ते जेईई मेन 2022 साठी अर्ज करण्यास पात्र आहेत.
JEE परीक्षा 13 भाषांमध्ये होणार आहे
जेईई मेन 2022 इंग्रजी, हिंदी, आसामी, बंगाली, गुजराती, कन्नड, मराठी, मल्याळम, ओडिया, पंजाबी, तमिळ, तेलगू आणि उर्दूसह 13 प्रादेशिक भाषांमध्ये आयोजित केले जाईल. जेईई मेन परीक्षेच्या तारखा बदलल्यानंतर आता जेईई अॅडव्हान्स परीक्षेच्या तारखाही बदलण्यात आल्या आहेत. JEE Advanced 2022 परीक्षेचे वेळापत्रक आता 28 ऑगस्ट रोजी घेण्यात येणार आहे. यापूर्वी त्याची तारीख ३ जुलै होती. परीक्षेचा कालावधी सुमारे 1 महिन्याने वाढविण्यात आला आहे.
