नोएडा। कोण म्हणत की आपण आकाशाला गवसणी घालू शकत नाहीत! अशाच आपल्यातल्या एका मुलाने आकाशाला गवसणी घातली आहे. श्रीमंतपणा आणि गरीबीची दरी सोडून आपल्या परिश्रम आणि समर्पणाच्या बळावर आपले ध्येय साध्य करून दाखवले आहे. नोएडाच्या प्राधिकारणातील एक कर्मचाऱ्याचा मुलगा मोहित याने हे यश संपादन करून दाखवले आहे. नोएडा प्राधिकरणातील चतुर्थ कर्मचारी रमेश कुमार यांचा मुलगा मोहित कुमारने उत्तर प्रदेश लोकसेवा आयोगची परीक्षा उत्तीर्ण केली आहे.
तिसऱ्या वेळी कठोर परिश्रम आणि उत्साहाच्या जोरावर परीक्षा उत्तीर्ण झालेल्या मोहित यांनी सांगितले की, आपण सन 2018 मध्ये दिल्लीहून बीटेक केल्यानंतर सिव्हिल सर्व्हिसची तयारी सुरू केली. मोहित यांनी आपल्या अथक परिश्रम आणि सातत्याच्या जोरावर परीक्षा पास केली आहे. यापूर्वी पीसीएस पूर्व परीक्षा दोनदा उत्तीर्ण झाली होती. परंतु दोन्ही वेळा मुख्य परीक्षा पास होऊ शकले नाही. परंतु धैर्य गमावले नाही आणि कठोर परिश्रम आणि प्रोत्साहनाच्या बळावर तिसऱ्यांनदा परीक्षा उत्तीर्ण झाले.
नोएडा प्राधिकरणात तैनात चतुर्थ कर्मचारी राजेश कुमार हे अतिरिक्त मुख्य कार्यकारी अधिकारी यांच्या कार्यालयात कामाला आहेत. तीन बहिणी आणि दोन भाऊ असलेले मोहित तिसर्‍या क्रमांकाचे असून त्यांच्या यशाबद्दल त्यांच्या कुटुंबात आणि मित्रांमध्ये आनंदाची लाट आहे. सेक्टर 20 मध्ये राहणारे मोहितचे वडील चतुर्थश्रेणी कर्मचारी आहेत. चतुर्थश्रेणी कर्मचाऱ्याच्या मुलागा परीक्षा उत्तीर्ण झाल्यानंतर त्यांना सहाय्यक उद्योग आयुक्तपद मिळाले आहे.
