HSC Exam Hall Ticket 2025: बारावीचं प्रवेशपत्र जारी! या चुका अजिबात करू नका.

करियरनामा ऑनलाईन | बारावीची परीक्षा ही विद्यार्थ्यांपेक्षा पालकांची जास्त मोठी परीक्षा असते. अगदी वर्षभर विद्यार्थी या परीक्षेचा दिवस रात्र एक करून अभ्यास करत असतात. परीक्षा जसजशी जवळ येईल तसं टेन्शन देखील वाढत जातं. पण हसत खेळत या परीक्षांना समोर जाणं हे प्रत्येक विद्यार्थ्यासाठी महत्त्वाचं असतं. याच जीवनाची दिशा ठरवणाऱ्या बारावीच्या परीक्षेचं प्रवेशपत्र आता जाहीर झालं आहे. सर्व उच्च माध्यमिक शाळा कनिष्ठ महाविद्यालयांना फेब्रुवारी-मार्च 2025 च्या परीक्षेची प्रवेशपत्र 10 जानेवारीपासून उपलब्ध करुन देण्यात आली आहेत. (HSC Exam Hall Ticket 2025)बारावीचं हे प्रवेशपत्र कुठून आणि कसं डाऊनलोड करायचं? ते करत असताना कोणत्या चुका टाळायला हव्यात? आणि बारावीच्या परीक्षांचे संभाव्य वेळापत्रक कसं असू शकत? ते समजून घेण्यासाठी खालील दिलेली माहिती काळजीपूर्वक वाचा.

प्रवेशपत्र असं डाऊनलोड करा!

उच्च माध्यमिक प्रमाणपत्र परीक्षा फेब्रुवारी-मार्च 2025 साठी सर्व विभागीय मंडळातील विद्यार्थ्यांना ऑनलाईन प्रवेशपत्र उपलब्ध करून देण्यात आली आहेत. फेब्रुवारी-मार्च 2025 च्या परीक्षेची प्रवेशपत्र 10 जानेवारीपासून उपलब्ध करुन देण्यात आली आहेत. बारावीची प्रवेशपत्रं www.mahahsscboard.in या संकेतस्थळावर अ‍ॅडमिट कार्ड या लिंकवरुन विद्यार्थ्यांना डाऊनलोड करता येणार आहेत.

प्रवेश पत्रासाठी शुल्क किती?

शिक्षण विभागाकडून जाहीर करण्यात आलेल्या माहितीनुसार विद्यार्थ्यांना त्यांच्या उच्च माध्यमिक किंवा आपल्या महाविद्यालयात हे प्रवेशपत्र प्रिंट स्वरूपात विद्यार्थ्यांना मिळणार आहेत. (HSC Exam Hall Ticket 2025 तसेच प्रवेशपत्र ऑनलाइन पध्दतीने प्रिंटींग करताना विद्यार्थ्यांकडून त्यासाठी कोणतेही वेगळे शुल्क आकारले जाणार नाही.

काय काळजी घ्याल? (HSC Exam Hall Ticket 2025)

• प्रवेश पत्राची प्रिंट काढून झाल्यावर त्यावर मुख्याध्यापक किंवा प्राचार्य यांच्या शिक्क्यासह स्वाक्षरी घ्यायला विसरू नका.

• डाऊनलोड केलेल्या प्रवेशपत्रामध्ये विद्यार्थ्याचं नाव किंवा आईचे नाव, जन्मतारीख बरोबर आहे का, ते नीट तपासून घ्या.

• जर प्रवेशपत्रात काही चुका असतील तर त्या दुरूस्त्या ऑनलाइन पध्दतीने करावयाच्या असून त्याकरीता अ‍ॅप्लिकेशन करेक्शन ही लिंक उपलब्ध करुन देण्यात आली आहे.

• दुरुस्त झालेलं प्रवेशपत्र करेक्शन अ‍ॅडमिट कार्ड लिंकवर उपलब्ध होईल.

• एखाद्या विद्यार्थ्याकडून प्रवेशपत्र गहाळ झाल्यास महाविद्यालयाकडून लाल शाईने व्दितीय प्रत असा शेरा देऊन विद्यार्थ्यांस प्रवेशपत्र मिळणार आहे.

अधिक महतीसाठी अधिकृत वेबसाइटला भेट द्यावी.

अश्याच सर्व परीक्षांसंदर्भातील नवीन अपडेट्स जाणून घेण्यासाठी आमच्या पेजला भेट द्यायला विसरू नका.