करिअरनामा ऑनलाईन । महाराष्ट्र राज्य माध्यमिक व उच्च माध्यमिक (SSC Re-exam 2024) शिक्षण मंडळ, पुणे यांनी इयत्ता 10 वी च्या पुरवणी परीक्षेबाबत महत्वाची अपडेट दिली आहे. शिक्षण मंडळाने जुलै 2024 मध्ये घेण्यात येणाऱ्या माध्यमिक शालान्त प्रमाणपत्र परीक्षा (10 वी) पुरवणी परीक्षेचे आवेदनपत्र ऑनलाईन पद्धतीने सादर करण्याची प्रक्रिया सुरु केली आहे. विद्यार्थ्यांना नियमित शुल्कासह दि. 11 जूनपर्यंत तर विलंब शुल्कासह दि. 17 जूनपर्यंत अर्ज करता येणार आहे.
10 वी पुरवणी परीक्षेचे वेळापत्रक (SSC Re-exam 2024)
दहावीच्या पुरवणी परीक्षेकरता अर्ज प्रक्रिया सुरु आहे. महाराष्ट्र बोर्डाच्यावतीने 10 वी पुरवणी परीक्षेचे वेळापत्रक जाहीर झाले असून दि. 16 जुलै 2024 पासून दहावी बोर्डाच्या पुरवणी परीक्षेला सुरुवात होणार आहे. दि. 30 जुलै 2024 पर्यंत हि परीक्षा चालणार आहे. सदर परीक्षा वेळापत्रकानुसार दोन सत्रांमध्ये घेतली जाणार असून, सकाळी 11 ते दुपारी 2 वाजेपर्यंत प्रथम सत्र तर, दुपारी 3 ते सायंकाळी 6 वाजेपर्यंत द्वितीय सत्र आयोजित करण्यात आली आहे.
इयत्ता 10 वी चा मार्च 2024 परीक्षेचा निकाल दि. 27 मार्च 2024 रोजी ऑनलाईन जाहीर झाला आहे. महाराष्ट्र राज्य माध्यमिक व उच्च माध्यमिक शिक्षण मंडळातर्फे पुरवणी परीक्षा जुलै 2024 मध्ये (SSC Re-exam 2024) घेण्यात येणार आहे. दहावी परीक्षेस पुर्नपरीक्षार्थी, यापूर्वी नावनोंदणी प्रमाणपत्र प्राप्त झालेले खाजगी विद्यार्थी तसेच श्रेणीसुधार योजनेअंतर्गत व तुरळक विषय घेऊन प्रविष्ट होणारे विद्यार्थी, आयटीआय (ITI) विषय घेऊन प्रविष्ट होणाऱ्या विद्यार्थ्यांची आवेदनपत्रे औद्योगिक प्रशिक्षण संस्थेद्वारे Transfer of Credits ऑनलाईन पद्धतीने घेण्यात येणार आहेत.
अधिक माहितीसाठी पहा – https://careernama.com
