करिअरनामा ऑनलाईन। नवीन शैक्षणिक धोरण जाहीर झाल्यानंतर (UGC Update) चार वर्षांचा पदवी अभ्यासक्रम जाहीर करण्यात आला आहे. सर्व केंद्रीय विद्यापीठांमध्ये यूजी अभ्यासक्रमांसाठी नवीन नियम केले जाणार आहेत. चार वर्षांच्या पदवीपूर्व अभ्यासक्रमांची (FYUP) रूपरेषा तयार आहे. येत्या शैक्षणिक सत्र 2023-24 पासून, सर्व विद्यापीठांचे नवीन विद्यार्थी 4 वर्षांच्या पदवीपूर्व अभ्यासक्रमांमध्ये (BA, B.Com, B.Sc.) इ. प्रवेश घेऊ शकतील. यूजीसीने 4 वर्षांच्या पदवीपूर्व अभ्यासक्रमांसाठी सर्व आवश्यक नियम आणि मार्गदर्शक तत्त्वे तयार केली आहेत.
यूजीसीकडून मिळालेल्या माहितीनुसार, पुढील आठवड्यापासून ४ वर्षांच्या पदवीपूर्व अभ्यासक्रमांसाठीचे हे नियम देशातील सर्व विद्यापीठांसाठी लागू केले जातील.
नवीन विद्यार्थ्यांना 4 वर्षांच्या पदवीपूर्व अभ्यासक्रमांचा पर्याय
पुढील सत्रापासून देशातील सर्व ४५ केंद्रीय विद्यापीठांमध्ये ४ वर्षांचे पदवीपूर्व अभ्यासक्रम लागू केले जातील. सर्व केंद्रीय विद्यापीठांसह बहुतेक राज्यस्तरीय आणि खासगी (UGC Update) विद्यापीठे देखील ४ वर्षांचे पदवीपूर्व अभ्यासक्रम राबवतील. याशिवाय देशभरातील अनेक ‘डीम्ड टू बी युनिव्हर्सिटीज’ देखील हा ४ वर्षांचा पदवीपूर्व कार्यक्रम राबविण्यास संमती देणार आहेत.
२०२३-२४ पासून सर्व नवीन विद्यार्थ्यांना चार वर्षांच्या पदवीपूर्व अभ्यासक्रमांचा पर्याय असेल. ४ वर्षांच्या पदवीपूर्व अभ्यासक्रमाची योजना जुन्या विद्यार्थ्यांसाठीही मंजूर केली जाऊ शकते. ज्या विद्यार्थ्यांनी यावर्षी सामान्य तीन वर्षांच्या पदवीपूर्व अभ्यासक्रमांना प्रवेश घेतला आहे त्यांना पुढील सत्रापासून चार वर्षांच्या पदवी अभ्यासक्रमात सहभागी होण्याची संधी मिळू शकते.
3 वर्षांचा अभ्यासक्रमही सुरू राहणार (UGC Update)
विद्यापीठ अनुदान आयोगाच्या म्हणण्यानुसार, सर्व विद्यार्थ्यांसाठी ४ वर्षांचा पदवीपूर्व अभ्यासक्रम उपलब्ध करून दिला जाईल. असे असले तरीही या अभ्यासक्रमात प्रवेश घेण्याची सक्ती विद्यार्थ्यांना केली जाणार नाही. विद्यार्थ्यांची इच्छा असल्यास ते आधीपासून सुरू असलेले ३ वर्षांचे पदवीपूर्व अभ्यासक्रम सुरू ठेवू शकतात.
काही ठळक बाबी –
यूजीसीचे अध्यक्ष प्रोफेसर एम जगदेश कुमार यांच्या मते ४ वर्षांच्या पदवीपूर्व अभ्यासक्रमांची संपूर्ण योजना लवकरच जाहीर केली जाईल. विद्यापीठांमध्ये आधीच प्रवेश घेतलेल्या विद्यार्थ्यांना ४ वर्षांच्या पदवीपूर्व अभ्यासक्रमाचा भाग बनण्याची संधी मिळेल.
प्रथम किंवा द्वितीय वर्षात असलेल्या विद्यार्थ्यांना इच्छा असल्यास ४ वर्षांच्या पदवी अभ्यासक्रमाचा पर्यायही उपलब्ध करून दिला जाऊ शकतो. तथापि, ते पुढील वर्षी (UGC Update) म्हणजेच २०२३-२४ पासून सुरू होणाऱ्या नवीन सत्रापासूनच सुरू होईल.
४ वर्षांच्या अभ्यासक्रमांच्या बाबतीत, यूजीसी विविध विद्यापीठांना काही नियम बनविण्याचे स्वातंत्र्य देखील देईल. विद्यापीठांच्या शैक्षणिक परिषद आणि कार्यकारी परिषदेत याबाबत आवश्यक नियम निश्चित केले जाऊ शकतात. विद्यापीठाची इच्छा असल्यास, अंतिम वर्षात शिकणाऱ्या (UGC Update) विद्यार्थ्यांना ४ वर्षांच्या पदवीपूर्व अभ्यासक्रमाचा भाग बनण्याची संधी देखील दिली जाऊ शकते.
यूजीसी अध्यक्षांनी बदलाची महत्त्वपूर्ण कारणे स्पष्ट केली. चार वर्षे पदवी अभ्यासक्रमात केवळ नवीन विद्यार्थ्यांना परवानगी दिली चार वर्षांनी याचे निकाल कळतील. दुसरीकडे जुने विद्यार्थी या योजनेत सहभागी झाल्यास हे निकाल लवकरच समोर येतील.
४ वर्षांच्या पदवी अभ्यासक्रमानंतर दोन वर्षांच्या (UGC Update) पदव्युत्तर आणि एमफिल करणाऱ्या विद्यार्थ्यांना पीएचडीमध्ये प्रवेश घेण्यासाठी ५५ टक्के गुण मिळणे बंधनकारक असेल.
दरम्यान, एमफिल कार्यक्रम जास्त काळ चालू ठेवला जाणार नाही. अनेक मोठी विद्यापीठे येत्या काही वर्षांत एमफिल अभ्यासक्रम देणार नाहीत. नवीन शैक्षणिक धोरणांतर्गत केलेल्या बदलांमुळे हे केले जात आहे.
यूजीसी या नवीन बदलासाठी पूर्णपणे सज्ज असताना, अनेक शिक्षक आणि शिक्षक संघटनांनी यावर आपले आक्षेप नोंदवले आहेत. ४ वर्षांच्या पदवीपूर्व अभ्यासक्रमांमुळे विद्यार्थ्यांवर एक वर्षाचा आर्थिक बोजा वाढणार असल्याचे शिक्षक संघटनांचे म्हणणे आहे.
नोकरी अपडेट्स आणि करिअरविषयक मोफत मार्गदर्शनासाठी आजच आमचा Whatsapp ग्रुप ला Join व्हा. आमच्या 9921959285 या क्रमांकावर Whatsapp करा आणि लिहा HelloJob
Click Here To Join Our Whatsapp Group
Click Here To Join Our Telegram Channel
अधिक माहितीसाठी पहा – https://careernama.com
