‘IGNOU’तील ऑनलाईन प्रवेशाची तारीख पुन्हा वाढली; आता ‘या’ तारखेपर्यंत अर्ज करता येणार; असा करा अर्ज

Get real time updates directly on you device, subscribe now.

नवी दिल्ली । जुलैमधील शैक्षणिक प्रवेशासाठी इग्नूने (IGNOU) प्रवेशाच्या तारखेत वाढ केली आहे. त्यामुळे आता विद्यार्थ्यांना 15 डिसेंबर 2020 पर्यंत प्रवेशासाठी अर्ज करता येणार आहे. मात्र, सर्टिफिकेट आणि अवेयरनेस प्रोग्रामवर या वाढीव मुदतीचा काहीही परिणाम होणार नसल्याचं इग्नूकडून सांगण्यात आलं आहे.

इंदिरा गांधी नॅशनल ओपन विद्यापीठाने (IGNOU) अनेकदा प्रवेशासाठी अर्ज करण्याची तारीख वाढवलेली आहे. यापूर्वी प्रवेशासाठी अर्ज करण्याची शेवटची तारीख 31 जुलै होती. नंतर ही तारीख वाढवून 16 ऑगस्ट 2020 करण्यात आली. त्यानंतर पुन्हा ही तारीख वाढवून आता 31 ऑगस्ट करण्यात आली आहे. कोरोना व्हायरसमुळे वारंवार मुदत वाढ देण्यात येत आहे. त्यामुळे आता अर्ज करण्याची अंतिम तारीख 15 डिसेंबर 2020 करण्यात आली आहे. विद्यापीठाच्या सर्व कोर्ससाठी विद्यार्थ्यांना ऑनलाईनच अर्ज करावे लागणार आहेत. त्यासाठी विद्यार्थ्यांना इग्नूच्या अधिकृत साईटवर जाऊन अर्ज भरावा लागणार आहे.

असा करा अर्ज
इग्नूच्या अभ्यासक्रमासाठी प्रवेश घ्यायचा असेल तर सर्वात आधी ignou.ac.in या संकेतस्थळाला भेट द्या. त्यानंतर होमपेजवर जाऊन रजिस्ट्रेशन लिंकवर क्लिक करा. त्यानंतर होमपेज उघडेल. त्यात तुम्हाला तुमची डिटेल्स भरावी लागेल. संपूर्ण माहिती भरल्यानंतर तुमचं अकाऊंट लॉगइन होणार. या लॉगइन आयडीद्वारे तुम्ही अर्ज भरू शकता. (IGNOU Online Re-registration)

शुल्कही ऑनलाईन भरावे लागणार
शेवटी तुम्हाला नोंदणी शुल्क भरण्याचा पर्याय दिसेल. त्यावर जाऊन शुल्क भरल्यानंतर तुमची अर्ज भरण्याची प्रक्रिया पूर्ण होईल. भविष्यात कोणतीही अडचण होऊ नये म्हणून तुम्ही त्याची प्रिंटही काढू शकता. (IGNOU extends the last date for submission of Online Re-registration)

 

Get real time updates directly on you device, subscribe now.