Board Exam 2023 : बोर्डाच्या विद्यार्थ्यांना परीक्षेसाठी मिळणारी ‘ही’ सुविधा रद्द

करिअरनामा ऑनलाईन। करोनाकाळात दहावी-बारावीच्या परीक्षेसाठी (Board Exam 2023) राज्य माध्यमिक आणि उच्च माध्यमिक मंडळाकडून देण्यात आलेली ‘शाळा तेथे केंद्रा’ची सुविधा यंदा रद्द करण्यात आली आहे. त्यामुळे फेब्रुवारी – मार्च 2023 मध्ये होऊ घातलेल्या दहावी-बारावीच्या परीक्षांसाठी विद्यार्थ्यांना आपल्याच शाळेत केंद्र मिळणार नाही. त्याचबरोबर विद्यार्थ्यांना गेल्या वर्षी पेपर लिहिण्यासाठी देण्यात आलेला अतिरिक्त कालावधीही काढून टाकण्यात आला आहे.

यंदाच्या परीक्षा करोनापूर्वीच्या पद्धतीनुसार पार पडणार असल्याची माहिती राज्य मंडळाचे अध्यक्ष शरद गोसावी यांनी दिली. ‘दहावी-बारावीच्या विद्यार्थ्यांची परीक्षा केंद्रे बदलण्यात येणार असून, जवळच्या शाळांमध्ये परीक्षेची व्यवस्था करण्यात येणार आहे. पेपर लिहिण्यासाठी (Board Exam 2023) विद्यार्थ्यांना गेल्या वेळी 15 मिनिटे ते अर्धा तास अतिरिक्त वेळ देण्यात आला होता. तोही यंदा रद्द करण्यात येणार आहे. यंदा विद्यार्थ्यांचा पुरेसा लिहिण्याचा सराव झाल्याने त्यांना अतिरिक्त वेळेची गरज नाही,’ असेही गोसावी म्हणाले. पुढील वर्षीच्या परीक्षा 100 टक्के अभ्यासक्रमांच्या आधारे होतील, असेही त्यांनी स्पष्ट केले.

पेपरफुटी टाळण्यासाठी प्रशासन सज्ज (Board Exam 2023)

परीक्षेचे पेपर समाजमाध्यमांवर व्हायरल करण्याचे प्रकार गेल्या अनेक वर्षांपासून सुरू आहेत. या पार्श्वभूमीवर विद्यार्थ्यांना सकाळी पेपर असल्यास 10:30 वाजल्यानंतर परीक्षा केंद्रात प्रवेश दिला जाणार नाही. दुपारच्या पेपरसाठी 02:30 नंतर केंद्रात घेतले जाणार नाही, असा निर्णय घेण्यात आला आहे. त्यामुळे पेपर समाजमाध्यमांवर व्हायरल होण्याचे प्रमाण कमी होईल, असा मंडळाचा दावा आहे.

हे पण वाचा -
1 of 64

करोनाच्या पार्श्वभूमीवर विद्यार्थ्यांना परीक्षेवेळी काही (Board Exam 2023) सुविधा देण्यात आल्या होत्या. मात्र, यंदा जुन्याच पद्धतीनुसार सर्व परीक्षा होणार असल्याने विद्यार्थ्यांना दिलेल्या सवलती रद्द करण्याचा निर्णय घेण्यात आला आहे.

नोकरी अपडेट्स आणि करिअरविषयक मोफत मार्गदर्शनासाठी आजच आमचा Whatsapp ग्रुप ला Join व्हा. आमच्या 9921959285 या क्रमांकावर Whatsapp करा आणि लिहा HelloJob

Click Here To Join Our Whatsapp Group
Click Here To Join Our Telegram Channel

अधिक माहितीसाठी पहा – https://careernama.com