IIT बॉम्बे देणार अँड्रॉइड अँप डेव्हलपमेंटवर ऑनलाईन ट्यूटोरियल; SWAYAM पोर्टलवर करा रजिस्ट्रेशन

करिअरनामा ऑनलाईन । इंडियन इन्स्टिट्यूट ऑफ टेक्नॉलॉजी बॉम्बेने (आयआयटी बॉम्बे) विनामूल्य ऑनलाइन कोर्ससाठी खास संधी आणली आहे. आयआयटी बॉम्बे अँड्रॉइड अॅप डेव्हलपमेंटवर विनामूल्य ऑनलाईन शिकवण्या देणार आहे. इच्छुक उमेदवार SWAYAM पोर्टलवर कोर्ससाठी नोंदणी करू शकतात. आयआयटी बॉम्बे कोटलीन या प्रोग्रामिंग भाषेचा वापर करुन अँड्रॉइड अॅपवर अ‍ॅप डेव्हलपमेंटचा ऑनलाईन कोर्स सुरू करणार आहे. हे जेटब्रेइन्सद्वारे निर्मित अँड्रॉइड अ‍ॅप्स कसे तयार करावे आणि जावा व्हर्च्युअल मशीनवर कसे चालवायचे हे शिकवेल. आज, कोटलिन ही एक लोकप्रिय मुक्त-स्त्रोत प्रोग्रामिंग भाषा बनली आहे. अशा वेळी हा कोर्स खूप उपयुक्त ठरणार आहे.

यात नोंदणी करण्यासाठी प्रथम onlinecourse.swayam2.ac.in या अधिकृत संकेतस्थळावर जावे लागेल. वेबसाइटच्या मुख्य पृष्ठावरील उजवीकडील विविध ऑनलाईन अभ्यासक्रमांची नोंदणी करण्यासाठीच्या लिंकवर जाऊन त्यामध्ये “साइन इन / नोंदणी” या लिंकवर आता आपल्या फेसबुक, गूगल, मायक्रोसॉफ्ट किंवा SWAYAM अकाऊंटने लॉगिन करा. यानंतर, आपण संबंधित कोर्ससाठी नोंदणी करू शकता.

जेव्हा उमेदवार आयआयटी बॉम्बे अँड्रॉइड अँप डेव्हलपमेंट कोर्ससाठी अर्ज करतात आणि नोंदणी करतात. तेव्हा, ते 10 ऑडिओ व्हिडिओ स्पोकन ट्यूटोरियलचा वापर करुन हा कोर्स करू शकतात. या अभ्यासक्रमास अखिल भारतीय तंत्रशिक्षण परिषद (एआयसीटीई) ने मान्यता दिली आहे. याव्यतिरिक्त, अँड्रॉइड अँप डेव्हलपमेंट कोर्स आयआयटी बॉम्बेचे असलेले प्रोफेसर कन्नन एम मौदगल्या हे घेतील. हा अभ्यासक्रम पदवी आणि पदव्युत्तर विद्यार्थ्यांसाठी योग्य आहे. या कोर्सचे 8-आठवड्यांचे मॉड्यूल आहे. यामुळे हा कोर्स उपयोगी ठरणार आहे.

 

हे पण वाचा -
1 of 8

नोकरी आणि करिअर अपडेट्स थेट मोबाईलवर मिळविण्यासाठी आमच्या 8446429275 या क्रमांकावर Whatsapp करा आणि लिहा HelloJob.

Click Here To Join Our Whatsapp Group

अधिक माहितीसाठी पहा – https://careernama.com